قايرات جولدىباي ۇلى: زيرات باسىندا اراق ىشكەن وزگە ءدىن وكىلىن كورگەندە مۇسىلمان قايتپەك

استانا. قازاقپارات - بەلگىلى ءدىنتانۋشى قايرات جولدىباي ۇلى ۇلتتىق پانتەوندا مۇسىلماندارمەن قاتار وزگە ءدىن وكىلدەرى جەرلەنەدى دەگەن اقپاراتقا قاتىستى ويىن ايتتى، دەپ حابارلايدى قازاقپارات.

 «ۇلتتىق پانتەون قۇرىلىسىنا قىرۋار قارجى ءبولىنىپ جاتىر. ول جاعىنا مەن ارالاسپاي- اق قويايىن. ءبىراق ماسەلەنىڭ ءدىن مامانى رەتىندە مەن ارالاسپاسام بولمايتىن تارابى بار. پونتەوندا مۇسىلماندار مەن وزگە ءدىن وكىلدەرى بولىنبەگەن. قاتار جەرلەنۋدە. بۇل شاريعاتقا دا، قازاق داستۇرىنە دە قايشى. عۇلامالار باسقا ءدىن وكىلدەرىنىڭ زيراتىنا جەرلەنگەن مۇسىلماندى قايتا جەرلەۋ كەرەكتىگىن ايتقان. مۇنىڭ الدى الىنباسا، بولاشاقتا ءدىني ءدۇردارازدىققا، ءتىپتى ۇلتارازدىققا سەبەپ بولۋى مۇمكىن. ەرتەڭ باسقا ءدىن وكىلدەرىنىڭ ءارۋاعىنا قۇرمەت رەتىندە زيرات باسىندا اراعىن ءىشىپ، شاريعاتقا قايشى ءتۇرلى ارەكەتتەرىن جاساپ جاتقانىن كورگەن مۇسىلمان بالاسى قانداي كۇيدە بولۋى مۇمكىن؟!»، - دەيدى ءدىنتانۋشى.

ايتا كەتەيىك، استانادا سالىناتىن ۇلتتىق پانتەونعا مەملەكەتتىك بيۋدجەتتەن 1,7 ميلليارد تەڭگە بولىنبەك.

اۆتور: كەنجەكەي توقتامۇرات قىزى