ديماش قۇدايبەرگەننىڭ استاناعا نە سەبەپتى كەلگەنى بەلگىلى بولدى
- دەپ حابارلايدى Tengrinews.kz ءتىلشىسى.
ءانشىنىڭ PR- ديرەكتورى ءارى دوسى الپامىس شاريموۆتىڭ ايتۋىنشا، ديماش قۇدايبەرگەن مەن Hunan TV ارناسىنىڭ ءتۇسىرىلىم توبى استاناعا قازاقستان تۋرالى، ورىنداۋشىنىڭ تۋعان جەرى جايلى سيۋجەت تۇسىرۋگە كەلىپتى. سيۋجەت قىتايلىق تەلەارنادا كورسەتىلەدى. بۇل روليكتە ءانشى ءوز ەلىن تانىستىرادى.
شاريموۆتىڭ ايتۋىنشا، ءتۇسىرىلىم توبى مەن ءانشى ەرتەڭ، 26 - اقپاندا اقتوبە قالاسىنا بارادى. ال 27 - اقپاندا قايتادان قىتايعا جول تارتادى ەكەن. ال ءانشىنىڭ اناسى سۆەتلانا ايتبايەۆا «موي گورود» پورتالىنا بەرگەن سۇحباتىندا ديماش قۇدايبەرگەن مەن ءتۇسىرىلىم توبىنىڭ كەلۋى جايلى تولىعىراق ايتىپ بەردى. ءانشىنى اقتوبە وبلىسىنىڭ اكىمى بەردىبەك ساپاربايەۆ كۇتىپ الادى ەكەن.
«وسى ءبىر- ەكى كۇننىڭ ىشىندە قىتايلىق جۋرناليستەر ءبىزدىڭ وتباسىمىز جايلى، ديماش وقىعان مەكتەپ پەن مۋزىكالىق كوللەدجدە ءتۇسىرىپ ۇلگەرۋى كەرەك. بالامىز تايەكۆاندومەن اينالىسقان سپورت مەكتەبىندە دە ءتۇسىرىلىم جۇمىستارى وتەدى»، - دەدى ايتبايەۆا.
وسىدان كەيىن، اناسىنىڭ ايتۋىنشا، قىتايلىق جۋرناليستەر ديماشتى ات ۇستىندە ءتۇسىرۋ ءۇشىن يپپودرومعا بارادى، سەبەبى قىتايلىق جانكۇيەرلەر انشىگە «قازاقتىڭ قاناتى» دەگەن ات بەرىپتى. ال وسىعان دەيىن ءانشىنىڭ PR- ديرەكتورى ءانشىنىڭ استاناعا ۇشىپ كەلگەنىن حابارلاعان ەدى.
«بىتپەگەن شارۋالاردى اۋەدە بىتىرۋگە تۋرا كەلەدى. ءبىر- ەكى كۇنگە وتانعا كەلىپ جاتىرمىز. ەشقانداي ب ا ق- پەن كەزدەسۋ، ارنايى فان كەزدەسۋلەر مۇمكىن ەمەس. ءبارى جوسپار بويىنشا! ءتۇسىرىلىم! تۇسىنىستىكپەن قاراعاندارىڭىزعا راحمەت!!! مەن استانادامىن!!!"، - دەپ جازعان ەدى شاريموۆ Instagram جەلىسىندەگى پاراقشاسىندا.
بۇگىن، سەنبىدە شوۋدىڭ التىنشى تۋرى كورسەتىلەدى. بۇل جولى ءانشى لارا فابياننىڭ رەپەرتۋارىنان «اداجيو» ءانىن ورىندايدى. «تۇڭعيىق سەزىم - ەرەكشە اسەر سىزدەرگە كوڭىل- كۇيىمنىڭ شاپاعاتىن سىيلايدى دەپ ويلايمىن!.. سەنبى 25- اقپان 20:05 (استانا ۋاقىتى)؛ 22:05 (بەيجىڭ ۋاقىتى) Hunan TV ارناسىندا #IAmSinger باعدارلاماسىن وتكىزىپ الماڭىزدار!»، - دەپ جازعان ەدى ءانشى.
ال كەلەسى تۋردا ديماش قۇدايبەرگەن قازاق ۇلتتىق ونەر ۋنيۆەرسيتەتى ۇلتتىق اسپاپتار ءانسامبلىنىڭ سۇيەمەلدەۋىمەن حالىق ءانى - «دايديداۋ» ءانىن ورىندايدى. قىتايدا ءوتىپ جاتقان I am a Singer بايقاۋى 14 كەزەڭنەن تۇرادى.
ەسكە سالايىق، وسىعان دەيىن ديماش قۇدايبەرگەن قىتايدىڭ Hunan TV ارناسىنداعى I am a Singer بايقاۋىنىڭ بەسىنشى كەزەڭىندە ونەر كورسەتىپ، برۋنو مارس پەن مارك رونسوننىڭ «Uptown Funk» اتتى ءانىن ورىنداعان ەدى.
https://kaz.tengrinews.kz 
