امەريكانىڭ سيقىرشىلارى كۇش بىرىكتىرىپ ترامپتى دۋالاماق

استانا. قازاقپارات - سيقىرشىلىقپەن اينالىساتىن ايەلدەر ا  قش پرەزيدەنتى دونالد ترامپقا «قارسى تۇرۋ» ءۇشىن ءوز «كۇشتەرىن بىرىكتىرەتىنىن» جاريالادى.

Facebook جەلىسى ارقىلى ولار 24 - اقپاننىڭ تۇنىنەن باستاپ «ترامپتى جانە وعان قولعابىس ەتەتىندەردىڭ بارلىعىن تۇسالاپ تاستاۋ» ءۇشىن تۇراقتى تۇردە ماگيالىق جوسىن- جورالعىلاردى جاساپ تۇرۋعا ۇندەدى. جورالعىلاردى اي باتىپ بارا جاتقان كەزدە جاساۋ كەرەك ەكەن جانە ولاردىڭ العاشقىسى ۆاشينگتون مەن نيۋ- يورك ۋاقىتىمەن ءتۇن ورتاسىنا (استانا ۋاقىتىمەن 25 - اقپان ساعات 11.00) بەلگىلەنگەن.

 دۋاگەر ايەلدەر قاتىسۋشىلاردىڭ ءارقايسىسىنا «وزدەرى جاقسى كورەتىن جورالعىنى نەمەسە ماگيالىق جۇيەنى» قولدانۋعا كەڭەس بەرەدى. كەيبىر قوعامداستىقتاردا مۇنىڭ بارلىعى توپپەن جاسالماق، ال جەكە سيقىرشىلار Facebook, Twitter جانە باسقا دا الەۋمەتتىك جەلىلەر ارقىلى بايلانىسقا شىعىپ تۇرۋعا ۋاعدالاسىپ وتىر.