الي احمەتوۆ كەلەسى جەكپە- جەگىن لوندوندا وتكىزەدى
بۇل تۋرالى بوكسشىنىڭ «ۆكونتاكتە» الەۋمەتتىك جەلىسىندەگى رەسمي پاراقشاسىندا حابارلاندى.
وندا "احمەتوۆ 11 - ناۋرىز كۇنى ءوزىنىڭ كاسىپقوي مانسابىنداعى التىنشى كەزدەسۋىن ۇلىبريتانيا استاناسى لوندون قالاسىندا وتكىزەدى. تولىعىراق ايتا كەتسەك، كەزدەسۋ 8 راۋندتىق جارتىلاي اۋىر سالماقتا (79,3 كەلى - 175 فۋنت) وتەدى. قارسىلاسى ازىرشە بەلگىسىز. الي جاتىعۋلارىن پىسىقتاپ، تالماي ەڭبەك وتۋدە"، - دەپ جازىلعان.
ەستەرىڭىزگە سالا كەتەيىك، بوكسشى سوڭعى بەسىنشى كەزدەسۋىن پولشادا وتكىزىپ، بەلارۋستىق ۆلاديمير حاركيەۆيچتى ۇپاي سانىمەن جەڭگەن بولاتىن. ال ونىڭ الدىندا ءتورتىنشى جەكپە- جەگىن الماتىداعى قانات يسلام مەن پاتريك اللوتەي اراسىنداعى بوكس كەشىندە وتكىزگەن ەدى. ول ازەربايجاندىق الي ماممەدوۆتى ءبىرىنشى راۋندتا- اق جەڭدى. 21 جاستاعى قازاقستاندىق كاسىپقوي بوكستا 5 كەزدەسۋ وتكىزىپ ۇلگەردى. ونىڭ بارلىعىندا قارسىلاسىنان باسىم ءتۇستى.
اۆتور: كۇنسۇلتان وتارباي
