بيىل ءبىلىم بەرۋ گرانتتارىنىڭ سانى ارتتى

استانا. قازاقپارات اعىمداعى جىلى قازاقستاندا جوعارى وقۋ ورىندارىنا تۇسۋگە ارنالعان ءبىلىم گرانتتارىنىڭ سانى ارتتى.

بۇل تۋرالى بۇگىن ق ر ءبىلىم جانە عىلىم مينيسترلىگىنىڭ كەڭەيتىلگەن القا ماجىلىسىندە ۆەدومستۆو باسشىسى ەرلان ساعاديەۆ ءمالىم ەتتى، دەپ حابارلايدى قازاقپارات.

«ۇستىمىزدەگى جىلى جوعارى ءبىلىم بەرۋ جۇيەسىندە گرانتتار سانى باكالاۆرلار ءۇشىن 31 مىڭنان 36 مىڭعا، ماگيسترانتتار ءۇشىن 7 مىڭنان 10 مىڭعا، دوكتورانتتار ءۇشىن 600 دەن 1 مىڭعا ارتتىرىلدى. بۇل وتە بايىپتى ءوسىم»، - دەدى مينيستر.

دەگەنمەن، ەرلان ساعاديەۆ القا ءماجىلىسى بارىسىندا ءوڭىر اكىمدەرىنەن وبلىستىڭ ەرەكشەلىكتەرىنە بايلانىستى جەرگىلىكتى جوعارى وقۋ ورىندارىندا وقۋ ءۇشىن ءوز گرانتتارىن ءبولۋدى ءوتىندى.

اۆتور: مارلان جيەمباي