مينيستر دوللارمەن بىرگە ازىق- تۇلىك باعالارىنىڭ نەگە تومەندەمەيتىنىن ءتۇسىندىردى
«ەكونوميست رەتىندەگى جەكە پىكىرىم - ولار دوللار باعامىمەن بىرگە تومەندەمەۋى كەرەك. بىزدە ءوزىمىزدىڭ ەكونوميكامىز بار. ءبىز تاۋارلاردى ءوزىمىز شىعارامىز. ءبىزدىڭ تاۋارلاردىڭ باعاسى تەڭگەدەن جاسالادى. سوندىقتان دوللارعا بايلاپ ۇستاۋدىڭ قاجەتى شامالى. دەدوللاريزاتسيا زاڭدا عانا ەمەس، ءبىزدىڭ «باسىمىزدا» دا وعان تىيىم سالۋ كەرەك. باعالاردى، جالاقىنى، كولىك پەن پاتەر قۇنىن دوللاردا ساناۋدى دوعارۋ قاجەت. ءبىز ا ق ش- تا ەمەس، قازاقستاندا تۇرىپ جاتىرمىز»، - دەپ اتاپ ءوتتى ول مينيسترلىكتىڭ القا وتىرىسىندا.
ونىڭ ايتۋىنشا، ينفلياتسيا مەن ۆاليۋتا باعامى ءبىر-بىرىمەن تىعىز بايلانىستا بولعانىمەن، تاۋار باعاسى تىكەلەي دوللارعا باعىنىشتى ەمەس. «بىزدە يمپورتقا تاۋەلدىلىك بارىن تۇسىنەمىن. دەگەنمەن دوللار باعامى تىكەلەي باعاعا اسەر ەتۋى سونشالىقتى كولەمدى ەمەس. بۇل تاۋەلدىلىك ازايا بەرەدى دەپ ۇمىتتەنەمىن. سەبەبى ءبىز ءوزىمىزدىڭ وندىرىستەرى ۇلعايتامىز، ۆاليۋتالاردىڭ اۋىتقۋى وزىمىزدە شىعاتىن ازىق- تۇلىك باعاسىنا اسەر ەتپەيتىن بولادى»، - دەدى مينيستر.
اۆتور: جاسۇلان جولدىبايەۆ
