استانادا گەنوتسيدتىك قىرىپ-جويۋعا قارسى فوتوكورمە اشىلدى - فوتو

استانا. قازاقپارات - استانادا «گەنوتسيدتەن ادا الەم ءۇشىن» تاقىرىبىنداعى فوتوكورمە اشىلدى، دەپ حابارلايدى قازاقپارات.

شارانى قازاقستانداعى ازەربايجان ەلشىلىگى ۇيىمداستىردى. «22 -اقپان ەۋروپا ەلدەرىندە قىلمىس قۇرباندارى كۇنى بولىپ تابىلادى. گەنوتسيد قىلمىستىڭ ەڭ اۋىر ءتۇرى بولىپ تابىلاتىنى بەلگىلى، ونى ادامزاتقا قارسى جاسالعان ەسكىرۋ مەرزىمى جوق قىلمىسقا تەگىننەن جاتقىزبايدى. ءبىز ەۋروپا كەڭەسىنىڭ مۇشەسى رەتىندە بۇل داتانى اينالىپ وتە المادىق جانە ءدال وسى كۇنى الەمدە بولعان ەڭ ءىرى زۇلماتتار تۋرالى فوتوكورمەنى ۇيىمداستىردىق. ءبىزدىڭ ءىس- شارا قوعامدا بەيبىتشىلىك پەن كەلىسىمدى نىعايتۋعا باعىتتالعان»، - دەدى ازەربايجاننىڭ قازاقستانداعى ەلشىسى راشاد مامادوۆ.

شارا بارىسىندا تۇتاس ءبىر حالىقتى جەر بەتىنەن جويۋعا ارنالعان ساياساتتىڭ قۇرباندارىنا ارنالىپ مايشامدار جاعىلدى. كورمە زالى كامبودجاداعى (1975 - 1979)، رۋاندا (1984) مەن حودجالىداعى زۇلماتتارعا (1982) جانە حولوكوست (1941 - 1945) وقيعاسىنا ارنالعان - ءتورت بولىككە ءبولىندى.