قىزىلوردادا حالىقارالىق انا ءتىلى كۇنىنە وراي دوڭگەلەك ۇستەل ءوتتى

قىزىلوردا. قازاقپارات -  قىزىلورداداعى دوستىق ءۇيىنىڭ ءماجىلىس زالىندا وبلىستىق قازاقستان حالقى اسسامبلەياسىنىڭ ۇيىمداستىرۋىمەن حالىقارالىق انا ءتىلى كۇنىنە وراي دوڭگەلەك ۇستەل ءوتتى، دەپ حابارلادى قازاقپارات ح ا ا ءتىلشىسى.

«ءتىل - تاۋەلسىزدىكتىڭ تىرەگى» اتتى شاراعا وبلىستىق قازاقستان حالقى اسسامبلەياسى، ەتنو- مادەني بىرلەستىك جانە عىلىمي- ساراپشىلىق توپ مۇشەلەرى، وبلىستىق ىشكى ساياسات باسقارماسىنىڭ ماماندارى، ورتا مەكتەپ جانە جەكسەنبىلىك مەكتەپ ۇستازدارى مەن وقۋشىلار قاتىستى.

وندا «قوعامدىق كەلىسىم» ك م م ديرەكتورىنىڭ ورىنباسارى ا. جۇمابايەۆ، وبلىستىق ىشكى ساياسات باسقارماسىنىڭ تىلدەردى دامىتۋ جانە ادىستەمەلىك جۇمىستار ءبولىمىنىڭ باسشىسى ل. ەسىموۆا، وبلىستىق ءبىلىم باسقارماسىنىڭ باس مامانى ە. ءجۇسىپوۆا، «مۇراگەر» مەكتەبىنىڭ وقىتۋشىسى، ا ق ش- تاعى نەبراسكا شتاتىنىڭ ازاماتى وستەر پيتەر، «قوعامدىق كەلىسىم» ك م م باس ەكسپەرتى ب. ۇسەنبايەۆ جانە 2016 -جىلعى وبلىستىق «مىڭ بالا» بايقاۋىنىڭ جەڭىمپازدارى ءسوز سويلەدى.

دوڭگەلەك ۇستەل اياسىندا بيىلعى جىلعى وبلىستىق «مىڭ بالا» بايقاۋىنىڭ باستاۋ العاندىعى ايتىلىپ، وقۋشىلار ازىرلەگەن ادەبي مونتاجبەن جالعاستى. شارا بارىسىندا ءتىل ساياساتىن جۇزەگە اسىرۋعا اتسالىسىپ جۇرگەن ءبىرقاتار مەكتەپ ۇستازدارى مەن «مىڭ بالا» بايقاۋىنىڭ 2016 -جىلعى جەڭىمپازدارىنىڭ جەتەكشىلەرى ماراپاتتالدى.

اۆتور: ەلۋباي اۋەزوۆ