15:00, 21 - اقپان 2017 | GMT +5
سينگاپۋر اسپانىندا ەرەكشە كەمپىرقوساق كورىندى
استانا. قازاقپارات - سينگاپۋر تۇرعىندارى سيرەك كەزدەسەتىن تابيعات قۇبىلىسىنا كۋا بولدى: اسپاندا 15 مينۋت بويى ەرەكشە كەمپىرقوساق كورىندى، دەپ حابارلايدى بي- بي- سي اگەنتتىگى.
ءتۇرلى- ءتۇستى شۇعىلا اسپاندا دۇيسەنبى كۇنى تۇستەن كەيىنگى ۋاقىتتا پايدا بولدى. بۇل كولدەنەڭ كەمپىرقوساقتىڭ پايدا بولۋىنان تۋىندايتىن اتموسفەراداعى سيرەك وپتيكالىق ەففەكت، «جالىندى كەمپىرقوساق» دەپ اتالادى.
قۇبىلىس بەلگىلى ءبىر جاعدايلاردا عانا كورىنەدى: كۇن 58 گرادۋستان جوعارى تۇرعاندا، شاربى بۇلتتار ىشىندەگى مۇز تۇيىرشىكتەرى كولدەنەڭىنەن ورنالاسادى. كۇن ساۋلەسى مۇز كريستاللدارىنان سىنادى جانە قۇبىلمالى، سپەكترلى بولىنگەن تۇستەر پايدا بولادى. بالالار ورتالىعىنىڭ قىزمەتكەرى فازيدا موحتار ەرەكشە كەمپىرقوساقتىڭ شامامەن كەشكى بەستە پايدا بولعانىن ءمالىم ەتتى.
«الدىمەن كىشكەنتاي سارعىش شەڭبەر پايدا بولدى، سوسىن ۇلكەيە ءتۇسىپ، وزگە تۇستەر انىق كورىندى»، - دەدى ول.
