رەسەيدىڭ سەگىز ءوڭىرى سۋ استىندا قالۋى مۇمكىن

استانا. قازاقپارات - الداعى ەلۋ جىلدا رەسەيدىڭ سەگىز ءوڭىرى سۋ استىندا قالۋى مۇمكىن، دەپ سانايدى ورال فەدەرالدى ۋنيۆەرسيتەتىنىڭ عالىمدارى.

زەرتتەۋشىلەردىڭ پىكىرىنشە، قاۋىپتى ايماقتاردىڭ قاتارىنا ياكۋتيا، كراسنويار ولكەسى، يامالو- نەنەتس اۆتونومدىق وكرۋگى، كومي رەسپۋبليكاسى جانە مۋرمانسك، ارحانگەلسك وبلىستارى ەنگەن. بولۋى ىقتيمال سۋ تاسقىنى جاھاندىق جىلىنۋ سالدارىنان، مۇزدىقتاردىڭ ەرۋىنەن بولۋى مۇمكىن. وفۋ كليمات جانە قورشاعان ورتا فيزيكاسى زەرتحاناسىنىڭ حابارلاۋىنشا، سوڭعى جارتى عاسىردا اركتيكاداعى تەمپەراتۋرا -10 گرادۋستان -5 گرادۋسقا دەيىن كوتەرىلگەن.

ماڭگىلىك توڭ تەمپەراتۋراسى ءوز شەگىنە جەتىپ، ءنول گرادۋستان اسقاندا، اپاتتى سالدار ورىن الۋى مۇمكىن، دەپ جازدى ريا فان.