08:41, 21 - اقپان 2017 | GMT +5
ارباعا تاڭىلعان بويجەتكەن العاش رەت سۇلۋلىق كونكۋرسىنا قاتىستى
استانا. قازاقپارات - مۇمكىندىگى شەكتەۋلى بويجەتكەن العاش رەت Miss World سۇلۋلىق كونكۋرسىنا قاتىستى.
دجاستين كلارك (Justine Clarke) اۆستراليالىق ادەلايدا شتاتىندا بولعان ايماقتىق بايقاۋدىڭ فينالىندا باق سىنادى، دەپ جازادى Daily Mail. جاسى 26 داعى كلارككونكۋرستىڭ جەڭىمپازى بولا المادى جانە ۇلتتىق كەزەڭنەن دە تىسقارى قالدى.
ءبىراق ول قاتىسقاندىعىنىڭ ءوزى ۇلكەن جەتىستىك ەكەندىگىن جانە الداعى ۋاقىتتا دا مۇگەدەكتەردىڭ قۇقىعىن قورعاۋدى جالعاستىراتىندىعىن مالىمدەدى. «ارباعا تاڭىلعان جاننىڭ وسىنداي كونكۋرسقا قاتىسۋعا مۇمكىندىك الۋىنىڭ ءوزى ۇلكەن قادام. مەن بۇل وقيعا وزگەلەردى جىگەرلەندىرەتىن شىعار دەگەن ويدامىن. كيىمنىڭ كولەمىنە نەمەسە مۇمكىندىكتىڭ شەكتەۋلى بولۋىنا قاراماستان - سىزدەر ءبارىبىر ادەمىسىزدەر»، - دەدى ول تىلەۋلەستەرىنە.
اۆتور: ەرلان قوجاكەلديەۆ
