ۇلتتىق قاۋىپسىزدىك كوميتەتى ساۋد ارابياسىنان ءدىني الاۋىزدىقتى قوزدىرۋشى ازاماتتى ەلگە قايتاردى
دەپ حابارلايدى ق ق ك- ءنىڭ باسپا ءسوز قىزمەتى.
سوتقا دەيىنگى تەرگەۋ جۇمىستارى شەڭبەرىندە وعان قاتىستى تۇتقىندا ۇستاۋ تۇرىندە بۇلتارتپاۋ شاراسى تاڭدالعان.
تەرگەۋ اقپاراتى بويىنشا، ابدۋجابباروۆ 2000 -جىلدارى قازاقستاننىڭ باتىس وبلىستارىنىڭ ءدىندارلارى اراسىندا «تاكفىر» يدەياسىن تاراتقان.
ونىڭ وسى تەرىس ارەكەتتەرى ارەكەتى اقتوبە، اتىراۋ جانە ورال قالالارىندا جاسىرىن راديكالدى ۇيىمداردىڭ پايدا بولۋىنا ىقپال ەتكەن.
ونىڭ كەيبىر ءىزباسارلارى ءتىپتى ەلىمىزدە تەرروريستىك اكسيالاردى ۇيىمداستىرۋ ارەكەتتەرىنە قاتىسقان، كەيبىرى سودىرلاردىڭ توپتارىنا قوسىلۋ ءۇشىن اۋعانىستان مەن سيرياعا كەتكەن.
ابدۋجابباروۆ 2006 -جىلدان بەرى ساۋد ارابياسىندا بولىپ، قازاقستانداعى مۇسىلماندار مەن شەتەلدە وقىپ جاتقان ستۋدەنتتەرگە ىقپال ەتۋىن جالعاستىرعان.
الايدا، 2015 -جىلدىڭ جەلتوقسانىندا ەكسترەميستەرمەن بايلانىسى بار كۇدىكتى رەتىندە مەدينا قالاسىندا پوليتسيانىڭ قولىنا تۇسكەن. 2016 -جىلدىڭ قازانىندا تۇركياعا شىعارىلىپ، ول جاقتا ساياسي باسپانا بەرۋدەن باس تارتىلىپ، ساۋد ارابياسىنا قايتارىلعان.
«تاكفىردى» ۇستانۋشىلار الدىمەن مۇسىلمانداردى كۇپىرلىك جاسادى دەپ ايىپتايتىنى بەلگىلى. ولار «كاپىرلەرگە» قاتىستى كەز- كەلگەن ارەكەتكە، ءتىپتى كىسى ولتىرۋگە دە رۇقسات ەتەدى.
وسىعان وراي اتالعان يدەولوگيا يسلام الەمىندە باستى قاتەرلەردىڭ ءبىرى رەتىندە قاراستىرىلادى.
