قازاقستان قىرعىزستان پرەزيدەنتىنىڭ ايتقان سوزىنە قاتىستى تۇسىنىك كۇتىپ وتىر

 استانا. قازاقپارات - ق ر سىرتقى ىستەر مينيسترلىگى قىرعىزستان پرەزيدەنتى المازبەك اتامبايەۆتىڭ ايتقان سوزىنە قاتىستى تۇسىنىك بەردى، دەپ حابارلادى «قازاقپارات» ح ا ا ءتىلشىسى.

«ءبىز قىرعىزستان پرەزيدەنتىنىڭ ايتقان سوزىنە نازار اۋداردىق. قازىرگى ۋاقىتتا قىرعىز تاراپىنان تۇسىنىك بەرۋدى كۇتىپ وتىرمىز»، - دەدى «قازاقپارات» ساۋالىنا جاۋاپ رەتىندە س ءى م باسپا ءسوز قىزمەتىنەن.

ەسكە سالساق، Euronews تەلەارناسىنا بەرگەن سۇحباتىندا المازبەك اتامبايەۆ جۋرناليستىڭ «بۇل وداق (ەۋرازيالىق ەكونوميكالىق وداقتى ايتىپ وتىر - رەد.) كوپ جاعدايدا رەسەيدىڭ مۇددەسىن ەلەپ- ەسكەرەدى دەپ سانايسىز با؟ (...) دەگەن سۇراعىنا بىلاي دەپ جاۋاپ بەردى:

«ءبىز ساۋدا- ساتتىق جۇرگىزىپ، كورشىلەرمەن جۇمىس جاساۋىمىز قاجەت. ەگەر ءبىز ەۋرازيالىق ەكونوميكالىق وداققا كىرمەسەك، بىزگە شەكتەۋ قاۋپى تونەر ەدى. 2010 - جىلى قازاقستان بىزگە 1,5 ايعا شەكتەۋ قويعاندا، بىزدە ءتىپتى ادام قۇرباندارى دا بولدى. ءيا سولاي بولدى، سەبەبى شەكتەۋ دەگەن جاقسى نارسە ەمەس. (...)».