يتاليا سيرياداعى مۇسىندەردى قالپىنا كەلتىرۋگە كومەك بەردى

استانا. قازاقپارات- يتاليالىقتار سيرياداعى كونە مۇسىندەردى قالپىنا كەلتىرىپ جاتىر. پالميرادان ون بەس عاسىر بۇرىن جاسالعان ەر مەن ايەلدىڭ ءمۇسىنى ريمگە جەتكىزىلدى. ولار «يراك پەن ليەۆانت لاڭكەستىك توبىنىڭ» ارحەولوگيالىق مۇراجايعا شابۋىلى كەزىندە بۇزىلعان.

رەستاۆراتورلار قۇندى جادىگەرلەردىڭ سىنىقتارىن جيناپ، كەم- كەتىگىن D3 تەحنولوگياسى ارقىلى قالپىنا كەلتىردى. ماماندار جۇمىستى اياقتاعان سوڭ ەكى ءمۇسىن دە سيرياعا قايتارىلادى. بۇل وپەراتسيانى يتاليادا «بىرەگەي» دەپ اتايدى. وق پەن وتتان كوز اشپاعان ەلدە مادەني مۇرالاردى قالپىنا كەلتىرۋ جۇمىستارى بۇعان دەيىن جاسالعان ەمەس.

 انتونيو ياككارينو، ەسكەرتكىشتەردى قالپىنا كەلتىرۋشى:

 - بۇل ءبىزدىڭ كومەك، يتاليانىڭ سيريا مەملەكەتىنە كورسەتكەن كومەگى. ءمۇسىننىڭ جەتىسپەيتىن بولىگىن قالپىنا كەلتىرۋ، ول جوعالعاندى قايتارۋ ءتاسىلى، ادامدارعا بولعان جاعدايدى ۇمىتتىرۋدىڭ امالى. مىسالى، جەر سىلكىنىسىنەن كەيىنگى جاعداي سياقتى. كوپ ۇزاماي مۇسىندەر سيرياعا ورالادى جانە قايتادان ورناتقانعا دەيىن كۇزەتپەن قورعالادى.

www.24.kz