تەڭىزدە جۇمىس ىستەۋگە ىرىكتەۋدەن وتكەن قازاقستاندىق كومپانيالاردىڭ سانى بەلگىلى بولدى
دەپ حابارلايدى قازاقپارات ءتىلشىسى.
«2016 -جىلى ت ش و سەرىكتەستەرى كەلەشەكتەگى كەڭەيتۋ جوباسى - ساعالىق قىسىمدى باسقارۋ جوباسىن (ك ك ج- س ق ب ج) قارجىلاندىرۋ تۋرالى تۇپكىلىكتى شەشىمدى بەكىتكەندىگىن مالىمدەدى. جوبا تەڭىز كەن ورنىنىڭ وندىرىستىك قۋاتىن كەڭەيتۋدىڭ كەزەكتى كەزەڭى بولىپ تابىلادى. تيىمدىلىك پەن قارجىنى ۇنەمدەۋدى ارتتىرۋ ماقساتىندا ك ك ج- س ق ب ج نىساندارىنىڭ قۇرىلىسى ءبىر مەزگىلدە جۇزەگە اسىرىلاتىن بولادى. جاڭا جوبا بويىنشا، ءوندىرىستى جىلىنا 12 ميلليون تونناعا نەمەسە تاۋلىگىنە 260 مىڭ باررەلگە دەيىن ۇلعايتۋ ماقسات ەتىلگەن. وسىلايشا، جىلىنا 39 ميلليون تونناعا نەمەسە تاۋلىگىنە 850 مىڭ باررەلگە جەتەتىن بولادى»، - دەلىنگەن «تەڭىزشيەۆرويل» ج ش س - نىڭ حابارلاماسىندا.
«جوبا توبى بۇگىنگى كۇنگە جاريالانعان ساتىپ الۋلار بويىنشا 346 كەلىسىمشارتپەن جۇمىستاردى 90 پايىزعا اياقتادى، ساتىپ الۋلار سالاسىندا قازاقستاندىق كومپانيالارعا باسىمدىق قامتاماسىز ەتىلدى. ك ك ج- س ق ب ج- نىڭ قۇرىلىسى جانە وندىرىستىك جۇمىستارى بارىسىندا 20 مىڭعا جۋىق جۇمىس ورنىن قۇرۋ جوسپارلانۋدا. ت ش و قازاقستاندىق جەتكىزۋشىلەردى جوبالاۋ بويىنشا قىزمەتتەردى كورسەتۋگە، ساتىپ الۋلارعا جانە ك ك ج- س ق ب ج ءۇشىن مودۋلدەردى ازىرلەۋگە بەلسەندى جۇمىلدىرىپ وتىر. بۇگىنگى كۇنى 1730-دان استام كومپانيا الدىن الا ىرىكتەۋدەن ءوتتى»، - دەپ اتاپ ءوتتى ج ش س- دان.
ەسكە سالايىق، 2016 -جىلى تەڭىزدە شيكى مۇنايدىڭ ءوندىرىسى 27,56 ميلليون توننا نەمەسە 220 ميلليون باررەلدى قۇرادى.
