ديماش قۇدايبەرگەندى جۇزدەگەن قىتايلىق جانكۇيەر اۋەجايدان كۇتىپ الدى - كەسكىن
بۇل جولى بەينەجازبانى ءانشىنىڭ ءوزى ورنالاستىردى، دەپ حابارلايدى قازاقپارات.
«ءارتىستىڭ ەڭ ۇلكەن باقىتى... اۋەجايدان كۇتىپ الۋ... پەكين جانە چاڭدۋ قالالارى...» ، - دەپ جازدى ديماش ينستاگرامداعى ءوز پاراقشاسىنا.
ۆيدەودان وتانداسىمىزدى قىتاي اۋەجايىنان جۇزدەگەن جانكۇيەر كۇتىپ الىپ تۇرعانىن كورۋگە بولادى.
بۇعان دەيىن Sina Weibo الەۋمەتتىك جەلىسىندە ديماشتىڭ قىتايلىق جانكۇيەر قىزداردان قاشىپ بارا جاتقان ۆيدەوسى جاريالانعان بولاتىن. بەينەجازبا ديماشتىڭ كەزەكتى تۇسىرىلىمگە بارعان كەزدەگى، شاڭشا قالاسىنىڭ اۋەجايىندا ءتۇسىرىلدى.
وندا، ءوزىنىڭ كەلۋىن اسىعا كۇتكەن جانكۇيەرلەردىڭ كوپتىگىنەن ساسقان ديماشتىڭ قاشا جونەلگەنىن بايقاۋعا بولادى. الايدا فاناتتارى ونى الىسقا جىبەرمەدى. قاشىپ قۇتىلماسىن بىلگەن ول جىلى جىميىپ، سۋرەتكە تۇسۋگە ءماجبۇر بولدى.
ق ر مادەنيەت جانە سپورت ءمينيسترى ارىستانبەك مۇحامەدي ۇلى ۆەدومستۆونىڭ القا ماجىلىسىندە قازاقستاندىق ءانشىنىڭ الەم بويىنشا جانكۇيەرلەرى سانى 2 ميلليارد ادامعا جەتكەنىن ايتقان بولاتىن.
«ديماش قۇدايبەرگەن مينيسترلىكتىڭ قولداۋىمەن 2016 -جىلى «سلاۆيان بازارى» حالىقارالىق كونكۋرسىنا قاتىسىپ، باس جۇلدەنى جەڭىپ الدى. قازىرگى تاڭدا ول قىتايداعى «Singer» كاسىبي ورىنداۋشىلار بايقاۋىندا جوعارى دەڭگەيدە ونەر كورسەتۋدە. اتاپ ءوتۋ كەرەك، ديماشتىڭ قاتىسۋىمەن كونكۋرستىڭ كورسەتىلىمى 2 ميلليارد كورەرمەننەن اسۋدا. دەمەك، ولار - ايمان مۇساقوجايەۆا باسقارىپ وتىرعان ۇلتتىق ونەر ۋنيۆەرسيتەتى 3 كۋرس ستۋدەنتىنىڭ جانكۇيەرلەرى بولىپ تابىلادى. بۇل، مەملەكەت باسشىسى اتاپ وتكەندەي، يميدجدىك جوبالار، ياعني سپورت پەن مادەنيەت ارقىلى قازاقستاننىڭ جەتىستىگىن الەمگە پاش ەتۋىمىز كەرەك»، - دەدى مينيستر.
ال اقپان ايىنىڭ باسىندا ديماش قىتاي جۇلدىزدارىنىڭ رەيتينگىندە كوش باستادى.
Әртістің ең үлкен бақыты... Әуежайдан күтіп алу...Пекин және Чанду қалалары... Видео оператор Алпамыс)🎤 #DQ #TheSingerDimash #Dimash #Dears
