روزا رىمبايەۆا ءوزى جايلى قاۋەسەت تاراتقاندارمەن قالاي كۇرەسەتىنىن ايتتى
ونى ەستىگەن ءانشىنىڭ ساحنالىق ارىپتەستەرى جاعالارىن ۇستاپ، اقپاراتتىڭ وتىرىك ەكەنىن بىردەن راستادى. ال، حالىق ءارتيسى بولسا، ءوزىنىڭ «قايتىس بولعانىن» دوسىنان ەستىگەن، - دەپ جازدى جۇلدىزدار جارقىرايدى باعدارلاماسى.
«ماعان دوسىم حابارلادى. وسىلاي سەن تۋرالى ينفورماتسيا بولىپ جاتىر دەدى. مەن ايتتىم، سول جىبەرگەن ادامداردان سۇراڭىزدار. نەگە وتىرىك ايتادى؟»، - دەيدى ق ر حالىق ءارتىسى روزا رىمبايەۆا
الاياقتاردىڭ قۇربانى بولعان ءانشىنىڭ بۇل العاشقى وقيعاسى ەمەس. ارام جولمەن قوماقتى قارجى تاپقىسى كەلەتىندەر وسى ۋاقىتقا دەيىن روزادان ەش رۇقساتسىز سۋرەتتەرىن عالامتوردان الىپ، ءتۇرلى جارنامالارعا ەمىن- ەركىن پايدالانىپ كەلگەن.
«كەزىندە 30 ك گ ارىقتاعان بولىپ شىققانمىن كوك ءشاي ءىشىپ. سودان كەيىن ءبىر كەزدە شىققانمىن رىمبايەۆا كيگەن براسلەتتى كيسەڭدەر، اراق- شاراپتان، الكوگوليزمنەن جازىلاسىز دەگەن. ونى رىمبايەۆا جازادى ەكەن»، - دەيدى ق ر حالىق ءارتىسى روزا رىمبايەۆا.
وسىلايشا، حالىق ءارتيسىن باسىنعان بازبىرەۋلەر ونى وپ- وڭاي جارناما قۇربانىنا اينالدىرعان. ال، روزانىڭ ءوزى بولسا، بۇل ارەكەتتەرگە نۇكتە قويۋدى شەشەدى. الايدا، ودان ەش ناتيجە شىعارا الماپتى.
«ولارمەن سوتتاسۋدىڭ ەشقانداي ناتيجەسى جوق. الدىندا الگى 83 ك گ- نان 30 ك گ ارىقتاعانىمىزدا ىزدەستىرىپ كورگەنبىز. بولمايتىن دۇنيە»، - دەيدى ق ر حالىق ءارتىسى روزا رىمبايەۆا
IT مامانى باقىتجان بايجىكەنوۆتىڭ ايتۋىنشا، عالامتورعا ءتۇرلى جارنامانى جۇكتەۋ ءۇشىن «حاكەر» بولۋدىڭ قاجەتى جوق. تەك كومپيۋتەرگە قولى ۇيرەنگەن كەز- كەلگەن ادام جالعان اقپاراتتى سالا الادى دەيدى.
«ءۇش ءتۇرى ارقىلى جارناما جاساۋعا بولادى. فەيسبۋك، ينستاگرام، گۋگل سايتتارىنا سالۋعا بولادى»، - دەيدى IT مامانى باقىتجان بايجىكەنوۆ.
جانە ولاردى جۇكتەگەن ادامدى دا بىردەن انىقتاۋعا بولاتىن بىرنەشە تاسىلدەرىن كورسەتتى.
«سۋرەتتى كورسەتىپ، سول الەۋمەتتىك جەلىنىڭ ادمينيستراتورلارىنا زاپروس جىبەرەسىڭ. ولار بىردەن كىم ەكەنىن انىقتاپ بەرەدى»، - دەيدى IT مامانى باقىتجان بايجىكەنوۆ.
ال اشا ماتاي بولسا، ءوزىن ارتىق سالماقتان ارىلتقان جالعان جارناما بەرۋشىلەردى تاپقان. الايدا، ولار وزدەرىنىڭ بۇعان ەش قاتىسى جوعىن ايتىپ، ءانشىنى جولاتپاي قويىپتى.
«قازاقستاندىق وفيستەرى بار ەكەن، سول حاتىمنىڭ استىندا كوممەنتاري جازىپ قويىپتى. ءبىز ەمەس، ءبىزدىڭ قاتىسىمىز جوق دەپ. ءبىراق، ەندى كىمنىڭ قاتىسى بار ەكەنىن بىلمەيمىن»، - دەيدى ءانشى اشا ماتاي.
ءانشى تۇڭعىشىن بوسانعاننان كەيىن ءبىراز سالماق قوسقانىن مويىندايدى. دەگەنمەن، ارتىق سالماقپەن كۇرەسۋدە ەشقانداي جارنامادا كورسەتىلگەن ءدارىنى ىشپەگەنىن، ءتىپتى قولىنا دا الىپ كورمەگەنىن ايتىپ اعىنان جارىلدى.
«ونى ىشپەك تۇگەلى كورگەندە جوقپىن. سەنبەڭىزدەر، قىمباتتى كورەرمەندەر، تىڭدارماندارىم. بۇل جاي وتىرىك اڭگىمە»، - دەيدى ءانشى اشا ماتاي.
20 كەلى سالماق تاستاعان اشا وتە قاراپايىم جولدارمەن ارىقتاعان.
«كوپ سۋ ءىشۋ، كوپ قيمىلداۋ. كوڭىل- كۇيدىڭ كوتەرىڭكى بولۋى شىعار. سول»، - دەيدى ءانشىنىڭ ءوزى.
عالامتور ارقىلى ءدارى- دارىمەك ساتۋشىلار وتاندىق انشىلەردى عانا ەمەس، ەلىمىزدىڭ بىلىكتى دارىگەرلەرىن دە ارام پيعىلدارىنا پايدالانىپ ءجۇر. "ەكومەد" ورتالىقتارىنىڭ عىلىمي ديرەكتورى سالتانات بايقوشقاروۆا دا ءوزىنىڭ سۋرەتى مەن سۇحباتى جاريالانعان جارنامالاردى كورگەندە شالقاسىنان تۇسە جازداپتى.
«مەن ەشقانداي سۇحبات بەرگەن جوقپىن. سەنبەڭىزدەر!»، - دەيدى "ەكومەد" ادام ۇرپاعىن ءوربىتۋ ەمحاناسىنىڭ عىلىمي ديرەكتورى سالتانات بايقوشقاروۆا.
تالاي وتباسىعا ءسابيلى بولۋ باقىتىن سىيلاعان دارىگەر «ينتوكسيك» ءدارىسىنىڭ جارناماسىندا پارازيتولوگ بولىپ ءجۇر. پروكۋراتۋراعا شاعىمدانعان سالتانات بۇعان ەش قاتىسى جوعىن دالەلدەگەن.
«پروكۋراتۋراعا جازدىق. ولار بىزگە جاۋاپ بەرىپ ارنايى اقپارات مينيسترلىگىنە حات جازىپ جىبەردى. ولار مەنىڭ سۋرەتىممەن تۇرعان اقپاراتتاردىڭ ءبارىن ينتەرنەتتەن الا باستادى »، - دەيدى "ەكومەد" ادام ۇرپاعىن ءوربىتۋ ەمحاناسىنىڭ عىلىمي ديرەكتورى سالتانات بايقوشقاروۆا.
جالعان اقپارات تاراتۋشىلاردىڭ قۇرىعىنا ىلىگە قويماعان ديماش قۇدايبەرگەنوۆ ءدال قازىر اسپان استى ەلىندە اتاعى جەر جارىپ تۇر. قىتايدا ءوتىپ جاتقان "مەن ءانشىمىن" بايقاۋىنىڭ التىنشى اينالىمىندا دا ءبىرىنشى ورىن يەلەنگەن ءانشىنىڭ فاناتتارى كوپشىلىكتى تاڭدالدىرۋدان جالىقپاي كەلەدى.
سۇيىكتى انشىلەرىنە دەگەن ىستىق ىقىلاستارىن ءتۇرلى تاسىلدەر ارقىلى جەتكىزىپ جاتىر.
ءبىرى قىتاي كوشەلەرىندەگى كوپ قاباتتى ۇيلەردىڭ سىرتىنا جارقىراعان جارناما تاقتالارىن ءىلىپ تاستاسا، ەكىنشىلەرى ۇيالى تەلەفوننىڭ ەكرانىنا ديماشتىڭ ەسىمى جازىلعان سۋرەتتەر جاريالاسا، ەندى بىرەۋلەرى ءانشىنىڭ ەسىمىن تاۋار بەلگىسىنە اينالدىرىپ، پەچەنە، پاكەت سياقتى تاۋارلار شىعارا باستاعان. ال، قىتايدىڭ نارىعى - ميلليارد ەكەنى ايتپاسا دا بەلگىلى.
