جاراقات بولعاندىقتان، جەكپە-جەكتى بىردەن اياقتاۋ كەرەك بولدى - قانات يسلام
«قۇرمەتتى قازاق ەلى، قازاقستاندىقتار! سىزدەرگە العىسىم شەكسىز. ەكى تەلەارنادان مەنىڭ جەكپە- جەگىمدى كورسەتتى، سوعان قۋانىشتىمىن! بۇل جەكپە-جەك، وزدەرىڭىز كوردىڭىزدەر، ءبىرىنشى راۋندتا اياقتالدى. ويتكەنى ءبىرىنشى راۋندتا جاراقات بولعاننان كەيىن، ماعان بىردەن بۇل جارىستى اياقتاۋ كەرەك بولدى، سەبەبى ەكىنشى راۋندتا جۇدىرىقتاسۋدى توقتاتىپ جىبەرۋ دە مۇمكىن ەدى. سوندىقتان ءبىرىنشى راۋندتا بارىمدى سالىپ، اياقتاتۋعا تىرىستىق. بارلىعى ءبىزدىڭ كوماندانىڭ جوسپارلاعانىنداي بولدى»، - دەدى ول روبسون اسسيسپەن وتكەن جەكپە-جەكتەن سوڭ بەرگەن سۇحباتىندا.
ايتا كەتەيىك، بۇگىن ۋيلمينگتون قالاسىندا (ا ق ش، دەلاۆەر شتاتى) WBO Intercontinental جانە WBA Fedelatin تۇجىرىمدارى بويىنشا الەم چەمپيونى، ءبىرىنشى ورتا سالماقتاعى قانات يسلام (22-0-0, 18 ك و) مەن برازيليالىق روبسون اسسيس (17-4-0, 9 ك و) اراسىندا كەزدەسۋ ءوتتى. ءبىرىنشى راۋندتىڭ باسىندا قانات يسلام قاباعىن جارىپ الدى. دەگەنمەن ابىروي بولعاندا، قانات قارسىلاسىن ەكىنشى راۋندتان اسىرماي، ءبىرىنشى راۋندتىڭ سوڭىندا سۇلاتىپ سالدى.
بوكسشىلاردىڭ كەزدەسۋى كىشى روي- دجونستىڭ بوكس كەشىنىڭ اياسىندا وتكەن بولاتىن. بۇل الەمگە «قازاق» دەگەن اتپەن تانىلعان قانات يسلامنىڭ كاسىپقوي رينگتەگى 23- كەزدەسۋى. قانات وسىعان دەيىن 22 كەزدەسۋىندە جەڭىسكە جەتىپ، ونىڭ 18 ىن نوكاۋتپەن اياقتاعان.
اۆتور: جاسۇلان جولدىبايەۆ
