بويجەتكەن ەرنىن شاڭسورعىشتىڭ كومەگىمەن ۇلكەيتپەك بولعان - ۆيدەو

استانا. قازاقپارات - «سۇلۋلىق قۇرباندىق ەتۋدى تالاپ ەتەدى» (كراسوتا ترەبۋەت جەرتۆ) دەگەن ءسوز بار. الايدا، تەك بۇل جولى ەمەس.

سوڭعى كەزدەرى ۇلبىرەگەن ۇلكەن ەرىندەر جاستار اراسىندا سانگە اينالعانى بەلگىلى. كەيبىرەۋلەر بۇل ءۇشىن ارنايى پلاستيكالىق وتا جاساتىپ جاتادى، ال كەيبىر بويجەتكەندەر دەنساۋلىققا قاۋىپتى جولدارمەن ماقساتىنا قول جەتكىزۋگە تىرىسىپ باعادى. ال، ءبىزدىڭ بۇگىنگى كەيىپكەرىمىز اقشا شىعارىپ شىعىندانباي، وڭاي جولمەن ەرنىن ۇلكەيتۋدىڭ جاڭا ءتاسىلىن ويلاپ تابۋعا تىرىسقان.

رەسەيدىڭ دونداعى روستوۆ (روستوۆ- نا- دونۋ) قالاسىنىڭ 19 جاستاعى تۇرعىنى ءوز ەرنىن شاڭسورعىشتىڭ كومەگىمەن ۇلكەيتۋگە ارەكەتتەنگەن.

بويجەتكەن شاڭسورعىشتى ىسكە قوسىپ، ونىڭ قۇبىرىنا ەرنىن ىڭعايلاپ ورنالاستىرىپ، ءبىر مينۋت بويى ۇستاپ تۇرعان. جانىنا باتقان اۋىرسىنۋدى سەزىنگەن ول تەز ارادا تەحنيكانى وشىرگەن. ال، ناتيجەسىندە ول ءوزى كۇتكەننەن دە اسىپ تۇسەتىن ۇلكەن ەرىندەرگە قول جەتكىزگەن.

اينادان ءوزىنىڭ ءىسىپ كەتكەن ەرىندەرىن كورگەن ارۋ تەز ارادا جەدەل جاردەم شاقىرعان. دارىگەرلەر ەرىندەردىڭ ىسكەنىن راستاپ، دياگنوز قويعان. الايدا، بويجەتكەن اۋرۋحاناعا بارۋدان باس تارتقان.

دەرەككوزى: http://pl.com.ua