سيرياعا بايلانىستى استانا پروتسەسى: باستى ناتيجەلەر
«ينتەرفاكس» اقپاراتىنا قاراعاندا، ر ف س ءى م تاياۋ شىعىس جانە سولتۇستىك افريكا دەپارتامەنتىنىڭ ديرەكتورى، استانا كەلىسسوزدەرىندەگى ر ف دەلەگاتسياسىنىڭ باسشىسى سەرگەي ۆەرشينين توپ تۇراقتى نەگىزدە جۇمىس ىستەيتىندىگىن، ال ونىڭ قىزمەتى جانجالعا قاتىسۋشى تاراپتاردىڭ سوعىس قيمىلدارىن توقتاتۋ رەجىمىن ساقتاۋىنا باعىتتالاتىندىعىن اتاپ وتكەن.
سونىمەن قاتار ءبىر- بىرىنە دەگەن سەنىم شارالارىن قۇرۋ دا وسى توپتىڭ نازارىندا بولادى. مۇنان بولەك، استانادا وتكەن كەلىسسوزدەر بارىسىندا تۇتقىنداردى، ونىڭ ىشىندە ايەلدەر مەن بالالاردى الماسۋ تەتىكتەرى ءتۇزىلدى. قازا تاپقانداردىڭ مۇردەلەرىن الماسۋ تارماعى دا كەلىسىلدى. بۇل جايىندا رەسەيدىڭ جاڭالىقتار اگەنتتىگىنە رەسەي باس شتابى باس باسقارماسى باستىعىنىڭ ورىنباسارى سەرگەي افاناسەۆ ءمالىم ەتكەن. گەنەرال-مايوردىڭ اتاپ وتۋىنشە، بۇل شارالار سيرياداعى سەنىمدى نىعايتا تۇسۋگە قىزمەت ەتەتىن بولادى.
اۆتور: مارلان جيەمباي
