ءدىن ىستەرى مينيسترلىگى ەكسترەميزمدى ناسيحاتتاۋدىڭ الدىن الۋدى مۇفتياتپەن بىرلەسىپ اتقارماق
بۇل تۋرالى مينيسترلىكتىڭ باسپا ءسوز قىزمەتى حابارلادى.
ءىس- شارانىڭ باسىندا ءسوز العان مينيستر نۇرلان ەرمەكبايەۆ قازاقستان مۇسىلماندارى ءدىني باسقارماسى ەل مۇسىلماندارىنىڭ باسىن قوسىپ وتىرعان جانە قوعام اۋىزبىرشىلىگى مەن تۇراقتىلىعىن نىعايتۋ ىسىندە ۇلكەن جۇمىستاردى ىسكە اسىرىپ وتىرعان ءدىني بىرلەستىك ەكەنىن ايتا كەلە « . . . ءبىز ءدىن سالاسىنداعى مەملەكەتتىك ساياساتتىڭ تيىمدىلىگىن ارتتىرۋعا باعىتتالعان ءىس- شارالاردا ءدىني باسقارمامەن جان- جاقتى ءوزارا ءىس- قيمىل جاسايتىن بولامىز. كەلىسىمگە قول قويۋىمىزدىڭ باستى سەبەبى دە وسى»، - دەپ اتاپ ءوتتى.
مينيستر مەملەكەت باسشىسىنىڭ حالىققا ارناعان بيىلعى جولداۋىندا ايتىلعان قوعام قاۋىپسىزدىگىن قامتاماسىز ەتۋ جەلىسىندە ءدىني ەكسترەميزمدى ناسيحاتتاۋدىڭ الدىن الۋدا جانە وسكەلەڭ ۇرپاقتى رۋحاني- ادامگەرشىلىك رۋحىندا تاربيەلەۋ ىسىندە ءدىني بىرلەستىكتەرمەن بىرلەسىپ جۇمىستار جۇرگىزۋ تۋرالى تاپسىرماسىن ورىنداۋ بارىسىندا مۇفتياتپەن كوپتەگەن ءىس- شارالاردى بىرلەسىپ اتقارۋدى كوزدەپ وتىرعانىن جەتكىزدى.
ىنتىماقتاستىق تۋرالى كەلىسىم مۇفتيات جانە مەملەكەت اراسىندا ىنتاماقتاستىقتى نىعايتۋعا جول اشادى.
بۇل ەكى تاراپقا تۇرعىندار اراسىندا ءداستۇرلى رۋحاني قۇندىلىقتاردى ناسيحاتتاۋعا جانە ءدىني ەكسترەميزم مەن تەرروريزمنىڭ الدىن الۋعا باعىتتالعان اقپاراتتىق- ءتۇسىندىرۋ جۇمىستارىن قارقىندى جۇرگىزۋگە مۇمكىندىك بەرەدى.
سايىپ كەلگەندە، ءدىن سالاسىنداعى ۋاكىلەتتى ورگانمەن بىرلەسىپ ىسكە اسىرىلاتىن جۇمىستار جاستارىمىزدىڭ بويىندا زايىرلى مەملەكەتتىڭ قاعيداتتارىنا سايكەس كەلەتىن رۋحاني قۇندىلىقتاردى قالىپتاستىرۋعا نەگىز بولادى» ، - دەپ اتاپ كورسەتتى قمدب ءتوراعاسى، باس مۇفتي ەرجان قاجى مايامەروۆ.
ءىس- شارا تاراپتاردىڭ كەلىسىمگە قول قويۋىمەن اياقتالدى.
