اداسىپ كەتكەن تىكۇشاق تاس جولداعى جۇرگىزۋشىلەردەن جول سۇرادى

شىمكەنت. قازاقپارات - «شىمكەنت- سامارا» تاس جولىندا ەلىمىزدىڭ قورعانىس مينيسترلىگىنە تيەسىلى تىكۇشاق جولعا قونىپ، جۇرگىزۋشىلەردەن جول سۇراعان.

 ۇشقىشتىڭ جۇك كولىكتەرى جۇرگىزۋشىلەرىمەن سويلەسكەن بەينەتۇسىرىلىم YouTube جەلىسىندەگى «Zello Kaz »  پاراقشاسىندا جاريالاندى، - دەپ حابارلايدى قازاقپارات ح ا ا ءتىلشىسى

تۇسىرىلىمدە ۇشاقتىڭ ۇلكەن جولعا قونعان ءساتى كورسەتىلەدى. ودان كەيىن ۇشقىش جول جيەگىنە توقتاعان جۇرگىزۋشىدەن العان باعىتتان اداسىپ قالعانىن، ءارى اقتوبە قاي جاقتا ەكەنىن سۇراپتى. بەينە ءتۇسىرىلىمدى تۇسىرگەن جۇرگىزۋشىلەر ءوزارا اڭگىمەلەسىپ، ۇشقىشتىڭ قالايشا اداسىپ قالعانىن، مۇمكىن ۇشاقتى كۋرسانتتار جۇرگىزۋدە مە دەپ تاڭىرقاعان.

 ءتۇسىرىلىمدى كورگەن الەۋمەتتىك جەلى قولدانۋشىلارى اداسقان ۇشقىشتىڭ ءىس- ارەكەتىنە قاتىستى ءتۇرلى پىكىرلەر جازىپتى. ولار «تەحنيكا دامىعان زاماندا ۇشاق قالايشا اداسىپ قالادى» دەسە، بىرەۋلەر « GPS جەلىسىن نەگە قولدانباسقا» دەپ سىن ايتقان. ءبىر ساعاتتىڭ ىشىندە بەينەتۇسىرىلىمدى كورگەندەردىڭ سانى 12 مىڭنان استى.

  اۆتور: اينۇر اقبايەۆا