تەك ەرگەجەيلىلەر عانا تۋىلاتىن وتباسى تاريحى - فوتو

استانا. قازاقپارات - ءۇندىستاننىڭ حايداراباد قالاسىندا تۇراتىن چاۋحان وتباسىندا بىرنەشە جىلدان بەرى تەك ەرگەجەيلىلەر عانا تۋىلىپ كەلەدى.

ونىڭ باستى سەبەبى - وتباسى مۇشەلەرى الەمدە سيرەك كەزدەسەتىن اۋرۋ تۇرىنە شالدىعۋىندا. احوندروپلازيا - اعزاداعى نەگىزگى تىرەك- قيمىل سۇيەكتەرىنىڭ دامىماۋى سەبەبىنەن ەرگەجەيلىلىككە الىپ كەلەتىن اۋرۋ ءتۇرى.

بۇل - حايدارابادتاعى ەڭ ۇلكەن ەرگەجەيلىلەر وتباسى.

 

رادج: «ەگەر ءبىز كوشەگە شىعا قالساق، ادامدار ءبىزدى قورشاپ الىپ، قىزىق سۇراقتاردىڭ استىنا الادى. مىسالى، «سەن نەگە سونشا كىشكەنتايسىڭ؟» دەگەن سەكىلدى. كەيبىرەۋلەر، ءتىپتى، مازاق قىلىپ، كەلەكە ەتىپ، اشۋىمىزعا تيەدى».

 

مۇنداي دەنە كەمىستىگىمەن جۇمىس تابۋ قيىننىڭ- قيىنى. 52 جاستاعى رادج تويلارعا قوناق شاقىرۋشى بولىپ قىزمەت ەتەدى.

 

وتباسىندا 21 ادام بار، ولاردىڭ 18- ءى احوندروپلازياعا شالدىققا. كەيبىر وتباسى مۇشەلەرى ومىردەن وتكەن.

رادج: «بەلگىلى ءبىر جاسقا جەتكەننەن كەيىن اياقتاردىڭ كۇشى كەتىپ، ءالسىز بولا باستايدى. مەن اتام مەن اكەمنىڭ وسىلاي قينالعاندارىن كوردىم».

 

رادجدىڭ ايەلىنىڭ بويى قالىپتى بولعان، الايدا ءۇشىنشى رەت جۇكتى بولعان كەزدە قايتىس بولعان.

 

دەرەككوزى: https://life.ru