ا ق ش- تا جەڭىسكە جەتكەن جانات جاقيانوۆ ەلگە ورالدى
وزدەرىڭىز بىلەتىندەي، 2017-جىلدىڭ 11- اقپانىندا بوكس الەمىنىڭ سەنساتسيالىق جاڭالىعى دۇنيەجۇزىلىك بۇقارالىق اقپارات قۇرالدارىنا تارادى.
سولتۇستىك قازاقستان وبلىسىنىڭ تۋماسى جانات جاقيانوۆ جەڭىل سالماقتا WBA uperS جانە IBO نۇسقاسى بويىنشا چەمپيون تيتۋلىنا يە بولىپ، قازاقستاندى بۇكىل الەمگە تانىتتى.
ا ق ش- تىڭ تولەدو قالاسىندا وتكەن 12 راۋندىق جەكپە-جەك قازاقستاندىق سپورتشىنىڭ جەڭىسىمەن اياقتالدى. كەزدەسۋدە جانات جاقيانوۆ الەم چەمپيونى، امەريكالىق روۋشي ۋوررەننىڭ بەلبەۋلەرىن تارتىپ الدى.
جاقيانوۆتىڭ باپكەرى ريككي حاتتون ونىڭ كەلەسى ىقتيمال قارسىلاسى تۋرالى ايتىپ بەردى. ول WBA «تۇراقتى» چەمپيونى، بريتاندىق دجەيمي ماكدوننەلل (29-2-1، 13 ك و) بولۋى مۇمكىن.
«ءبىز ماكدوننەللمەن جەكپە-جەك ۇيىمداستىرعىمىز كەلدى، ءبىراق ولار ءبىزدى تىڭداعىسى دا كەلمەدى. قازىر جاعداي وزگەردى - بىزدە بەلبەۋ بار. ەددي حيرن تەلەفون تۇتقاسىن ەندى كوتەرەتىن شىعار. ءبىز ءنومىر ءبىرىنشىمىز جانە تەك ۇزدىكتەرمەن ايقاسقىمىز كەلەدى. سوندىقتان، ەندى ولار كەزەككە تۇرسىن»، - دەدى حاتتون.
اۆتور: كۇنسۇلتان وتارباي
