سيريادا سۋمەن قامتاماسىز ەتۋ جۇيەسى قالپىنا كەلتىرىلەدى

استانا. قازاقپارات - الداعى تاۋلىكتەردە سيريانىڭ الەپپو قالاسىندا سۋمەن قامتاماسىز ەتۋ جۇيەسى قالپىنا كەلتىرىلەدى.

 ەسكە سالا كەتەيىك، وتكەن ايدا شاھار ىرگەسىندەگى ستانسادا تەحنيكالىق اقاۋ شىققان بولاتىن. جوندەۋ جۇمىستارىنا سول وڭىردە ارەكەت ەتەتىن «يراك پەن ليەۆانت لاڭكەستىك توبىنىڭ» جەندەتتەرى كەدەرگى كەلتىردى. سونىڭ سالدارىنان 1 ميلليون 800 مىڭ تۇرعىن تىرشىلىك ءنارىنسىز قالدى. وسى رەتتە جەرگىلىكتى بيلىك ب ۇ ۇ- نىڭ قولداۋىمەن الەپپو حالقىنا سۋدى ارناۋلى كولىكتەرمەن تاسىمالداپ، قۇدىقتار قازىلدى. ال بىلتىر جەلتوقساندا لاڭكەستەردىڭ بيلىگىنە وتكەن سيريانىڭ پالميرا قالاسىنداعى جاعدايعا كەلسەك، ۇكىمەت جاساعى كونە شاھار قاپتالىنداعى گاز كەن ورنىن ءوز باقىلاۋىنا كەرى قايتاردى. قارۋلى قاقتىعىس كەزىندە «يراك پەن ليەۆانت لاڭكەستىك توبىنىڭ» ونداعان سودىرىنىڭ كوزى جويىلعان. سونداي- اق ەكسترەميستەردىڭ اۋىر تەحنيكاسىنىڭ ءبىرازى تالقاندالدى.

www.24.kz