جىبەك مۋسينوۆانىڭ سوتى كۇشەيتىلگەن رەجىمدە ءوتىپ جاتىر - فوتو، كەسكىن

تالدىقورعان. قازاقپارات - تالدىقورعاندا جىبەك مۋسينوۆانىڭ جانە وسى ءىس بويىنشا سوتتالعانداردىڭ اپپەلياتسيالىق شاعىمى قارالۋدا.

وبلىستىق سوتتا شاعىمدى قاراۋ پروتسەسى باستالدى، دەپ حابارلايدى قازاقپارات ءتىلشىسى.

ايتا كەتەرلىگى، بۇل جولعى سوت وتىرىسى جابىق رەجىمدە وتۋدە. وبلىستىق سوت عيماراتىن ءتارتىپ ساقشىلارى، توتەنشە جاعدايلار قىزمەتى وكىلدەرى كۇزەتۋدە. وسىلايشا پروتسەسس كۇشەيتىلگەن رەجىمدە ءوتىپ جاتىر. وبلىستىق سوت باسپا ءسوز قىزمەتىنىڭ بەرگەن مالىمەتىنە قاراعاندا، سوتتىڭ كۇشەيتىلگەن تارتىپتە وتۋىنە بۇعان دەيىنگى جاعداي سەبەپ بولعان.

اتاپ ايتقاندا، وسى ءىس بويىنشا سوت ۇكىمى شىققان كۇنى سوتتالۋشىلاردىڭ تۋىستارى ايعايعا باسىپ، تارتىپسىزدىك ورىن العان بولاتىن.

«وسى ءىس بويىنشا سوتتالۋشىنىڭ تۋىستارى سوت ۇكىمىمەن مۇلدەم كەلىسپەيدى. سوت بۇندا ادىلەتسىز شەشىم شىعاردى»، - دەيدى ءىستى بولعان سوتتالۋشىنىڭ تۋىسى ديانا امانتايەۆا.



ەستەرىڭىزگە سالا كەتەيىك، بىلتىرعى جىلدىڭ 18 -تامىزىندا جابىرلەنۋشىنىڭ اناسى الەۋمەتتىك جەلى ارقىلى قىزىن 4 ازامات زورلاپ كەتكەندىگى جونىندە ايتىپ، ءىستىڭ ءادىل وتۋىنە كومەك سۇراعان بولاتىن. ارتىنشا كۇدىكتىلەر قامالدى جانە ءىستى وبلىستىق ءى ءى د تىكەلەي باقىلاۋعا العان ەدى. جىبەك مۋسينوۆانى زورلاعانداردىڭ ءىسى ەڭبەكشى قازاق اۋداندىق سوتىندا قارالدى. پروكۋرور 4 ازاماتتى 11 جىلعا دەيىن باس بوستاندىعىنان ايىرۋدى سۇراعان بولاتىن. ال بىلتىرعى 28 -قاراشا كۇنى جىبەك مۋسينوۆانى زورلادى دەگەن ايىپپەن 4 ازاماتقا ۇكىم شىقتى. تورتەۋى سەگىز جىلدان ون جىلعا دەيىن سوتتالدى. جازالارىن جالپى رەجىمدەگى كولونيادا وتەۋ تۋرالى سوت قاۋلىسى قابىلدانعان. الايدا سوتتالۋشىلار بۇل ايىپپەن كەلىسپەي، اپەللياتسيالىق شاعىم جاساعان.