استانادا قوزىكورپەش جاڭبىرشيندى اقتىق ساپارعا شىعارىپ سالۋدا - فوتو

استانا. قازاقپارات - وسى ۋاقىتتا استاناداعى م. گوركي اتىنداعى ورىس دراما تەاترىنىڭ عيماراتىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى قوزىكورپەش جاڭبىرشيندى اقتىق ساپارعا شىعارىپ سالۋ ءراسىمى وتۋدە، دەپ حابارلايدى «قازاقپارات» ح ا ا ءتىلشىسى.

مەزگىلسىز قايتىس بولعان قازاقستاننىڭ مەملەكەتتىك جانە ساياسي قايراتكەرىمەن قوشتاسۋعا ونىڭ ارىپتەستەرى، دوستارى جانە تۋىستارى كەلدى. ولاردىڭ اراسىندا پارلامەنت دەپۋتاتتارى، ەسەپ كوميتەتىنىڭ، ءتۇرلى مەملەكەتتىك مەكەمەلەردىڭ قىزمەتكەرلەرى بار.

بۇعان دەيىن حابارلانعانداي، اقپاننىڭ 11 نەن 12 ىنە قاراعان ءتۇنى 57 جاسقا قاراعان شاعىندا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ باسشىسى قوزىكورپەش جاڭبىرشين جۇرەك سىرقاتىنان قايتىس بولدى. ول ءتۇرلى جىلدارى قورعانىس ءمينيسترىنىڭ ورىنباسارى، الماتى قالاسى اكىمىنىڭ ورىنباسارى، قاۋىپسىزدىك كەڭەسى حاتشىسىنىڭ ورىنباسارى - ق ر قاۋىپسىزدىك كەڭەسى حاتشىلىعىنىڭ مەڭگەرۋشىسى بولىپ ەڭبەك ەتتى. 2014 -جىلى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى بولىپ تاعايىندالدى. قوزىكورپەش جاڭبىرشين استاناداعى ۇلتتىق پانتەوندا جەرلەنەدى.