الماتى وبلىسىندا افريكا بالىقتارى جەرسىندىرىلۋدە

تالدىقورعان. قازاقپارات - الماتى وبلىسىنىڭ ۇيعىر اۋدانىندا افريكا بالىقتارى جەرسىندىرىلە باستادى. تيلياپيا جانە افريكالىق جايىن وسى اۋداندا جەر استىنان شىعاتىن ىستىق قاينارلارىندا وسىرىلۋدە،

دەپ حابارلايدى قازاقپارات ءتىلشىسى.

 2016 -جىلى ىسكە قوسىلعان شارۋاشىلىق ايىنا 5 توننا بالىق ەتىن وبلىس اۋماعىنا جانە الماتى قالاسىنا وتكىزىپ كەلەدى. اتالعان تىرشىلىك يەسى 28-29 گرادۋس نولدەن جوعارى تەمپەراتۋرادا ەمىن- ەركىن ءومىر سۇرەدى. سەبەبى تيلياپيانىڭ نەگىزگى وتانى افريكا جانە تروپيكتىك ەلدەر. قازىرگى شارۋاشىلىقتا 7 مىڭ باس تيلياپيا مەن 10 مىڭ باس افريكا جايىنى وسىرىلۋدە. بۇل بالىقتاردىڭ ءبىر ەرەكشەلىگى جارتى جىلدا تاۋارلى سالماعىنا جەتىپ، ساتۋعا جارامدى بولادى. ەكزوتيكالىق بالىق تۇرىنە سۇرانىس تا جوعارى. بيىل كاسىپورىن جىلىنا 60 توننا بالىق وندىرمەك. ال كەلەر جىلى 300 تونناعا جەتكىزۋدى جوسپارلاپ وتىر. سالىستىرمالى تۇردە قىتاي ەلىندەگى بالىق ەكسپورتىنىڭ 50 پايىزى، يزرايلدە 40 پايىز وسى تيلياپيا قۇراپ وتىر.

«باسقا بالىقتارعا قاراعاندا تيلياپيا وتتەگىنى دا اسا كوپ قاجەت ەتپەيدى. 1 ليتر سۋعا 3 م گ وتتەگى جەتىپ جاتىر. ءدال وسىنداي ورتادا بۇل بالىقتار تاۋلىگىنە 3-4 گ ر سالماق قوسىپ وتىرادى» دەيدى بالىق ءوسىرۋشى داۋرەن راحيموۆ.

مامانداردىڭ ايتۋىنشا بۇل بالىقتىڭ وزگە بالىقتان ءدامى دە، ءتۇسى دە وزگەشە. ءتىپتى كەي ەلدەردە تيلياپيانى سۋ تاۋىعى دەپ تە اتايدى. سەبەبى ەتىنىڭ ءدامى تاۋىق ەتىنە جاقىن. سونداي- اق قىلتاناعى دا از.

اۆتور: سامال قابىشيەۆا