قازاقستاندىق نۇربەرگەن جۇماعازيەۆ تاعى دا قولا جۇلدەگەر اتاندى
رەسەيدىڭ «ماتچ يگرا» تەلەارناسىنان تىكەلەي ەفيردە كورسەتكەنىندەي، 1 مىڭ مەتر قاشىقتىقتا سوڭعى سىنعا بارلىعى التى سپورتشى شىقتى. نۇربەرگەن ءۇشىنشى كەلە جاتقانىمەن، مارەگە ساناۋلى مەترلەر قالعاندا، ءتورتىنشى ورىنعا سىرعىپ كەتتى. دەگەنمەن تورەشىلەر ءتارتىپ بۇزعان يزرايل ەلىنىڭ وكىلى ۆلاديسلاۆ بىكانوۆقا پەنالتي بەرىپ، جارىستان شەتتەتتى. ءسويتىپ نۇربەرگەن مينسكىدە ەكىنشى مارتە قولا جۇلدەگەر اتاندى.
ەندى التىنشى كەزەڭنىڭ سوڭعى سىنى كوماندالىق ەستافەتالىق جارىستار عانا قالدى. 5 مىڭ مەترلىك قاشىقتىقتا ەرلەر اراسىندا قازاقستاندىقتار باس باسەكەدە قىتاي، رەسەي جانە گوللانديا قۇرامالارىمەن سىنعا تۇسەدى.
ەسكە سالا كەتەيىك، كەشە ن. جۇماعازيەۆ 1 مىڭ مەتر قاشىقتىقتا قولا جۇلدەنى يەلەنسە، بۇگىن 500 مەتر قاشىقتىقتا دەنيس نيكيشا التىن، ابزال اجىعاليەۆ كۇمىس مەدالدى جەڭىپ العان ەدى. وسىلايشا، قازاقستاندىق شورت-ترەكشىلەر قازاقستان قۇراماسىنىڭ باس باپكەرى ءمادىعالي قارسىبەكوۆتىڭ بۇگىنگى تۋعان كۇنىنە تاماشا سىي جاسادى.
