ديماش قۇدايبەرگەن قىتايلىقتارعا «دۋداراي» ءانىن ورىنداپ بەردى - كەسكىن

بەيجىڭ. قازاقپارات - «يۋانشياۋ» شامدار فەستيۆالىنىڭ الدىندا قىتايلىق جۋرناليستەرگە ارنالعان باسپا ءسوز ءماسليحاتىندا ديماش قۇدايبەرگەن قازاقتىڭ حالىق ءانى «دۋدارايدى» ورىنداپ بەردى، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.

«مەن مىندەتتى تۇردە كونسەرت وتكىزەمىن. ال قازىر مەنىڭ شابىتىم كەلىپ تۇر، ءان ايتىپ بەرگىم كەلەدى. قازاقتىڭ حالىق ءانى «دۋداراي»، - دەدى ول جۋرناليستەردىڭ جەكە كونسەرت وتكىزىپ، قازاق اندەرىن ورىنداۋعا قاتىستى قويعان ساۋالىنا جاۋاپ بەرىپ تۇرىپ.

«سىرتتان كەلگەن كىشى باۋىر» دەپ اتايدى ەكەن ديماشتى قىتايدا، ول «دۋداراي» ءانىن ورىنداپ، جينالعانداردى «يۋانشياۋ» شامدار فەستيۆالىنىڭ باستالۋىمەن قۇتتىقتادى.

ايتا كەتەيىك، سەنبى كۇنى «يۋانشياۋ» فەستيۆالىنىڭ باستالۋىنا وراي Hunan.TV تەلەارناسى ارقىلى وتكەن مەرەكەلىك كونسەرتتە ديماش «وي جايلاۋ» ءانىن ورىنداعان بولاتىن. كونسەرتتەن سوڭ حۋنان تەلەارناسىنىڭ ەفيرىنە «Singer» بايقاۋىنىڭ 4- كەزەڭىنىڭ تاسپاسى كورسەتىلدى. وندا ديماش وسى بايقاۋدا العاش رەت ءانىن قىتاي تىلىندە ورىنداعان بولاتىن جانە ول جۇلدەلى 3- ورىنعا يە بولدى. «Singer» بايقاۋىنىڭ 5- كەزەڭى حۋنان تەلەارناسىنان 18 -اقپان كۇنى كورسەتىلەدى.

الايدا، قازىردىڭ وزىندە ديماشتىڭ «Uptown Funk» انىمەن 5- ورىندى جەڭىپ الىپ ءان بايقاۋىنىڭ كەلەسى كەزەڭىنە وتكەندىگى بەلگىلى بولىپ وتىر.

اۆتور: ايدار وسپاناليەۆ