تۇركيادا كونستيتۋتسيالىق رەفەرەندۋم وتەتىن كۇن بەلگىلەندى
پلەبيستسيت 16- ساۋىردە وتەدى، دەپ حابارلادى تۇركيا و س ك باسشىسى سادي گيۋۆەنگە سىلتەمەمەن newsru.com.
پارلامەنت ماقۇلداعان زاڭ جوباسىنا ەردوعان قول قويىپ، ازاماتتاردى Twitter ارقىلى قولداۋعا شاقىردى. Turkish Minute باسىلىمى بۇدان بۇرىن پرەزيدەنت Twitter مەن باسقا دا الەۋمەتتىك جەلىلەر قوعامعا قاۋىپ اكەلەتىنىن، جالعان اقپاراتتى تاراتاتىن تاپتىرماس تەتىك ەكەنىن بىرنەشە رەت ايتقانىن اتاپ وتەدى.
الايدا بىلتىر جازدا ىلاڭ ارەكەتىنەن كەيىن بيلىك الەۋمەتتىك جەلىلدەردى قولعا الدى. ەردوعان تۆيتتەردەگى ءوز اككاۋنتىندا ۇلتتى بىرىگۋگە شاقىرىپ، 15 مىڭ رەتۆيت جيناعان ەڭ تانىمال تۆيتتەر سەرياسىن جاريالاعان.
«ءبىرتۇتاس ەلدى، ءبىرتۇتاس تۋدى، ءبىرتۇتاس مەملەكەتتى قالايمىن»، - دەپ حابارلادى پرەزيدەنت.
وتكەن جىلدارى قوعامدىق نارازىلىقتار اياسىندا ەردوعان Twitter- ءدى جويۋعا شاقىرعان، ال 2014-جىلى ناۋرىزدا ەل تۇرعىندارى ءۇشىن الەۋمەتتىك جەلىگە قولجەتىمدىلىكتى شەكتەۋگە قول جەتكىزدى. قازىر ونىڭ اككاۋنتىنا جازىلۋشىلار سانى 10 ميلليونعا جاقىندادى.
