00:05, 13 - اقپان 2017 | GMT +5
بايان ەسەنتايەۆا اقبوتانىڭ توپتان كەتۋىنە جۇكتىلىگى سەبەپ بولعانىن راستادى
استانا. قازاقپارات - بايان ەسەنتايەۆا «كەشيۋ» توبىنىڭ تريودان كۆارتەتكە اينالعانىن ايتىپ، مۇنداي قادامعا نەلىكتەن بارعانىن ءتۇسىندىردى.
سونىمەن قاتار، پروديۋسەر توپتىڭ بۇرىنعى مۇشەلەرىنە قاتىستى ءوز پىكىرىن ءبىلدىردى.
بۇل تۋرالى 31- ارنانىڭ «ايتا بەرسىن» باعدارلاماسىندا ايتىلدى.
«اقبوتانىڭ اياعى اۋىر ەكەنىن مەن ەڭ سوڭعى بولىپ ەستىدىم. مۇمكىن، ماعان اۋىر بولماسىن دەپ جاسىرعان شىعار. ويتكەنى، ول كەزدەگى جاعدايىم قيىن ەدى. توپ ديرەكتورى مەنىڭ جۇيكەمدى جۇقارتقىسى كەلمەگەن بولۋى كەرەك. مەن ولارمەن ءبىر-اق رەت كەزدەستىم. ونىڭ بولاشاق جارىمەن بىرگە كەلىسىم-شارتتىڭ بۇزىلۋىنا قاتىستى تولەنەتىن قارجىنى تالقىلادىق. كەيىن ونى كورگەن ەمەسپىن. ول نە تەلەفون شالىپ، نە حات جازعان جوق. ايتسە دە، مەن ونىڭ جاعدايىن سۇراپ تۇرامىن»، - دەيدى بايان ەسەنتايەۆا.
جاقىن قۇربىلارىنىڭ ايتۋىنشا، اقبوتانىڭ بۇگىنگى جاعدايى كوڭىل كونشىتەرلىك ەمەس. ءانشى اياعى اۋىر بولعانىمەن ءالى تۇرمىسقا شىقپاعان.
