فرانسيالىقتار ديماشتىڭ ورىنداۋىنداعى فرانسۋز انىنە تاڭداي قاقتى
ول از دەسەڭىز، «ديماش» پەن «قازاقستان» سوزدەرى قىتايلار ەڭ كوپ ىزدەيتىن تەگتەر قاتارىنا كىردى.
ال YouTube جەلىسىن اشا قالساڭىز، «الەم قازاقتاردان ەسەڭگىرەپ قالدى» («مير ۆ شوكە وت كازاحوۆ») اتاۋىمەن سيپاتتالعان ۆيدەولار توپتاماسىنا كەزىگەسىز. وندا الەم حالىقتارى قازاق ءانشىسىنىڭ ءانىن تىڭداعان كەزدە قانداي كۇيگە بولەنگەندەرىن ايتىپ، ەموتسيالارىن كورسەتكەن.
ەندى، مىنە ديماشتىڭ تالانتىن فرانسيا دا مويىنداپ جاتىر. فرانسۋز تەلەارنالارىنىڭ ءبىرى ديماشتىڭ ەڭ العاشقى كەزەڭدە ورىنداعان ءانىن كورسەتىپ، ونى جوعارى باعالاعان.
بۇل تۋرالى جازيرا ەسىمدى جەلى قولدانۋشىسى جازعان.
«تالانتىڭدى بۇكىل الەم مويىنداپ جاتىر، قازىر فرانسيادا Actuality حابارىندا «ءبىزدىڭ دانيەل بەلاۆويننىڭ ءانىن جاس قازاق جىگىتى وتە تاماشا ورىنداپ شىقتى» دەپ جوعارى باعالادى»، - دەپ جازادى ول.
ايتا كەتەيىك، ديماش قۇدايبەرگەنوۆ قىتايدا ءوتىپ جاتقان I am a Singer بايقاۋىنا قاتىسۋدا. ول سايىستىڭ العاشقى تۋرىندا تانىمال فرانسۋز انىمەن جەڭىس تۇعىرىنان كورىندى. بايقاۋدىڭ ەكىنشى كەزەڭى 28- قاڭتار كۇنى مارەسىنە جەتكەن ەدى. اتالعان كەزەڭدە وتانداسىمىز ۆيتاستىڭ ءانىن ورىنداپ، 1- ورىندى قانجىعاسىنا بايلادى. ال ءۇشىنشى كەزەڭدە ديماش ءۇشىنشى ورىندى ەنشىلەدى. دەسە دە قازاق ءانشىسى جالپى ەسەپتە قارسىلاستارىن باسا وزىپ، كوش باستاپ تۇر. ال ءتورتىنشى كەزەڭدە ديماش قىتاي تىلىندەگى ءاندى اكتسەنتسىز ورىنداپ، قىتاي حالقىن تاعى دا اۋزىنا قاراتتى. الايدا بۇل كەزەڭ ەفيردەن 11- اقپان كۇنى كورسەتىلەدى.
