وزگەنى وزگەرتەم دەپ ويلاماڭىز
بۇل - بىرەۋگە بايلانىپ قالماۋدىڭ ۇلى زاڭى. ءوز ماحابباتىڭدى جوعالتۋدان قورىققاندىقتان ادامدى ۇستاپ تۇرساڭ، وندا ودان دا ماڭىزدى نارسەلەردەن قول ءۇزىپ قالاسىڭ.
تەرەڭ تىنىس ال دا، اركىمنىڭ ءوز ومىرىنە جاۋاپ بەرۋىنە مۇمكىندىك جاسا. ءارقايسىسى ءوز- وزىنە يەلىك ەتەدى. ەشقاشان بىرەۋدەن وزگە ادام جاساۋعا تالپىنباڭىز.
بار بولمىسىمەن قابىلداڭىز. ءبىز ءارقايسىسىمىز ءبىر- بىرىمىزگە مۇلدە ۇقسامايتىن جەكە دارا تۇلعامىز، بويىمىزداعى تاڭعاجايىبىمىز دا وسىندا. ۇقساستىعى، جالعان تۇسىنىستىگى، ءتىپتى بىرگە وتكىزگەن وتكەن شاعى - ادامداردى جاقىنداستىراتىن بۇل ەمەس. جاقىن جاندار ءبىر- ءبىرىنىڭ ايىرماشىلىعىنان راحات تابادى.
بىرەۋدى وزگەرتۋگە تىرىسپاسا، ءوز پىكىرىنە كەلىسۋگە كوندىرمەسە، باس قاتىراتىن اقىلدارىمەن مەزى ەتپەسە ءومىر جەڭىلدەي تۇسەدى. اداممەن كىتاپ وقىعانداي قارىم- قاتىناس جاساۋ كەرەك. جاي عانا وقيسىڭ، ءبىر سوزىنە كەلىسەسىڭ، ەندى ءبىر ويىنا كەلىسپەيسىڭ، ءبىراق كىتاپپەن كەرىسپەيسىڭ عوي. سوندا دا قىزىق، تارتىمدى، جەڭىل، باس الا المايسىڭ. وكىنىشكە وراي، مۇنداي قاراپايىم جاعدايلاردى ءتۇسىنۋ ءۇشىن قىمباتىڭدى بەرۋىڭ كەرەك - انا ومىرگە. سوندىقتان، اقىلدى بولىڭىز!
