08:31, 10 - اقپان 2017 | GMT +5
قوستانايدا پوليتسەيدىڭ بەتىن تىرناعان ايەل سوتتالدى
استانا. قازاقپارات - پوليتسەيدىڭ بەتىن تىرناعان قوستاناي تۇرعىنى ەكى جىلعا باس بوستاندىعىنان ايىرىلدى.
بۇل تۋرالى «قازاقپارات» ح ا ا ءتىلشىسى قوستاناي وبلىستىق سوتىنىڭ باسپا ءسوز قىزمەتىنە سىلتەمە جاساپ حابارلايدى.
ءىستىڭ ماتەريالى بويىنشا، 2016-جىلدىڭ 22- جەلتوقسان كۇنى قوستاناي قالالىق ءى ءى ب وڭتۇستىك پوليتسيا بولىمشەسىنىڭ كەزەكشى بولىمىنە زەينەتكەر قوڭىراۋ شالادى. ول ءوزىنىڭ پاتەرىندە قىزى مەن ونىمەن بىرگە تۇراتىن ازاماتتىڭ الكوگولدىك ىشىمدىك ءىشىپ، وتباسىلىق جانجال شىعارعانىن حابارلايدى.
ۋچاسكەلىك پوليتسيا ينسپەكتورى ەر كىسىدەن پوليتسيا بەكەتىنە بارۋدى تالاپ ەتەدى، الايدا زاڭ بۇزۋشى كەلىسپەيدى. وسى ۋاقىتتا زەينەتكەردىڭ قىزى ماس كۇيىندە پوليتسيا قىزمەتكەرىنە باس سالىپ، ونىڭ بەتىن تىرناپ تاستايدى. سوتتىڭ ۇكىمىمەن ايەل كىسى كىنالى دەپ تانىلدى. وعان پروباتسيالىق باقىلاۋ تۇرىندە ەكى جىل باس بوستاندىعىنان ايىرۋ جازاسى تاعايىندالدى.
