07:38, 09 - اقپان 2017 | GMT +6
سەناتورلار جولداۋ جۇكتەگەن مىندەتتەر بويىنشا كاسىپكەرلەرمەن كەزدەستى
قىزىلوردا. قازاقپارات - ق ر سەناتىنىڭ دەپۋتاتتارى مۇرات مۇحاممەدوۆ پەن بەكمىرزا ەلامانوۆ قىزىلوردا وبلىسىنىڭ كاسىپكەرلەرىمەن كەزدەستى، دەپ حابارلادى قازاقپارات ح ا ا ءتىلشىسى.
كەزدەسۋگە قىزىلوردا وبلىسى ادىلەت دەپارتامەنتىنىڭ، ايماقتىق كاسىپكەرلەر پالاتاسى مەن زاڭگەرلەر وداعىنىڭ وكىلدەرى سونداي-اق، ءوڭىر كاسىپكەرلەرى قاتىستى. جيىن بارىسىندا سەنات دەپۋتاتتارى ەلباسىنىڭ بيىلعى جىلعى ارنايى ۇندەۋى جايلى ايتىپ، «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» تاقىرىبىنداعى جولداۋدىڭ باسىم باعىتتارىن ءتۇسىندىرىپ ءوتتى. حالىق قالاۋلىلارى دامىعان 30 ەلدىڭ قاتارىنا ەنۋ ماقساتىندا مەملەكەتتىك بيلىك بۇتاقتارى اراسىندا وكىلەتتىكتى قايتا ءبولۋ ماسەلەلەرىنە كەڭىنەن توقتالدى.
سونداي-اق، قولدانىستاعى زاڭنامالارعا ەنگىزىلەتىن وزگەرىستەردىڭ جوباسىن تالقىلاۋ بارىسىندا كاسىپكەرلەر وزدەرىنىڭ ءبىرقاتار ۇسىنىستارىن ءبىلدىردى.
اۆتور: ەلۋباي اۋەزوۆ
