جاڭا زەلانديادا قوي قىرقۋدان جارىس ءوتتى

استانا. قازاقپارات - جاڭا زەلانديادا جارىستىڭ جاڭا ءتۇرى شىقتى. جەرگىلىكتى شوپاندار ەلدىڭ وڭتۇستىگىندەگى ينۆەرك-ارگيلل قالاسىندا قوي قىرقۋدان بۇكىل الەمدىك چەمپيونات وتكىزدى.

جارىسقا الەمنىڭ 31 ەلىنەن 300 قاتىسۋشى جينالعان. ءتورت كۇنگە سوزىلاتىن باسەكەدە 4 جارىم مىڭ قويدى قىرقۋ جوسپارلانۋدا.

قىرقىمعا كەلگەندەردىڭ ونەرى قايشىمەن قىرقۋ، اپپاراتپەن قىرقۋ، جىلدامدىق، ءجۇن تازالىعى مەن ساپاسى بويىنشا باعالانباق. ازىرگە سايىستىڭ فاۆوريتى رەتىندە جەرگىلىكتى شوپاندار اتالۋدا. ايتا كەتەيىك، بۇكىل الەمدىك قوي قىرقۋ چەمپيوناتى بيىل ءبىرىنشى رەت ۇيىمداستىرىلعان.

كەلەسى جارىستى ۇيىمداستىرۋ مارتەبەسىن فرانسيا جەڭىپ الىپتى. ول 2019-جىلى وتەدى. «بىزدە 10-15 مىڭ باس ۋاق مال بار. ءبىراق ولاردى ۋاقىتىلى قىرقۋدان جالىققان ەمەسپىز. قازىر قويدى دۇرىس قىرقۋعا ۇيرەتەتىن كۋرستار اشتىق»، - دەدى جاپونيادان كەلگەن شوپان شۋن ويشي.

«حابار 24» تەلەارناسى