استانا قالاسىنىڭ دەنساۋلىق ساقتاۋ باسقارماسى شەت ءتىلدى مەڭگەرگەن ماماندار ىزدەستىرۋدە
دەنساۋلىق ساقتاۋ باسقارماسىنىڭ مالىمەتىنە سايكەس، 2016 -جىلى قالالىق مەديتسينالىق сall (انىقتاما)-ورتالىققا 68050 قوڭىراۋ تۇسكەن. ال جىل باستالعالى ءتۇرلى سەبەپتەرمەن بارلىعى 10686 ادام حابارلاسقان. ماسەلەن، قاڭتار ايىندا 7341 ءوتىنىش تىركەلسە، سونىڭ 1104- ءى دارىگەرلەردىڭ كەڭەسىن الۋ ءۇشىن، 6237- سى انىقتامالىق اقپارات الۋ ءۇشىن حابارلاسقان. اقپان ايىنىڭ ءبىرىنشى اپتاسىندا 3346 قوڭىراۋ شالىنىپ ۇلگەردى.
«2017 -جىلدىڭ قاڭتار ايىندا ورتالىق جاڭا جۇمىس فورماتىنا كوشتى جانە ەندى ول تاۋلىك بويعى رەجىمدە 103 تەلەفون نومەرى ارقىلى قولجەتىمدى.
سونداي- اق، ەكسپو-2017 كورمەسى وتكىزىلەتىن كەزەڭدە اتالعان ورتالىقتا الەمنىڭ كەڭ تاراعان تىلدەرىندە سويلەيتىن ديسپەتچەرلەر جۇمىس ىستەيتىنىن اتاپ كورسەتۋ قاجەت. قازىرگى ۋاقىتتا ونداي قىزمەتكەرلەردى قابىلداۋ جۇرگىزىلىپ جاتىر.
نەگىزگى تەلەفوننان باسقا، بارلىق ماسەلەلەر بويىنشا 1300 جانە 87172963777 - نومەرلەرى ارقىلى حابارلاسۋعا بولادى»، - دەلىنگەن قالا اكىمدىگى تاراتقان حابارلامادا.
