قازاقستاندىق شورت- ترەك شەبەرلەرى قوس بىردەي مەدالعا قول جەتكىزدى - فوتو
ەرلەر اراسىنداعى 500 مەتر قاشىقتىقتا قوس قازاقستاندىق ابزال اجىعاليەۆ پەن دەنيس نيكيشا فينالعا شىقتى. بۇل سىن ولارعا وڭاي بولعان جوق. اۋەلى ابزال فالستارت جاساپ، جارىسقا قاتىسۋشىلاردىڭ ەكى مارتە جۇگىرۋىنە تۋرا كەلدى. مىنە، وسى ساتتە قارسىلاستارىنىڭ ءبىرى يتەرىپ جىبەرگەن دەنيس قۇلاپ قالدى، ءبىراق ول سوندا دا جارىستى جالعاستىرا بەردى. مارەگە ا. اجىعاليەۆ ءۇشىنشى بولىپ جەتكەنىمەن، ەكىنشى ورىنداعى قىتايلىق سپورتشىنى تورەشىلەر جازالاعاننان كەيىن ابزالدىڭ ەنشىسىنە كۇمىس مەدال ءتيدى. ال دەنيس نيكيشا قولا جۇلدەگەر اتاندى.
ەسكە سالا كەتەيىك، كەشە نۇربەرگەن جۇماعازيەۆ 1500 مەتر قاشىقتىقتا قولا جۇلدەنى يەلەنگەن بولاتىن. ابزال مەن نۇربەرگەن باتىس قازاقستان وبلىسىنىڭ تۇلەكتەرى بولسا، دەنيس اتىراۋدان. ەرتەڭ شورت- ترەك شەبەرلەرى 1 مىڭ مەتر قاشىقتىقتا سىنعا تۇسەدى. بۇل - نۇربەرگەن جۇماعازيەۆتىڭ وڭ جامباسىنا كەلەتىن قاشىقتىق. سونىمەن قاتار 5 مىڭ مەترلىك قاشىقتىقتا ەستافەتالىق سىندا دا قازاقستان ەرلەر قۇراماسى جۇلدە ءۇشىن تالاسادى.
اۆتور: ەلجان ەرالى
