استانادا قانداي جاعدايلاردا جەردى كۇشتەپ تارتىپ الىناتىندىعى انىقتالدى
دەپ حابارلايدى قازاقپارات.
«جەر قۇجاتتا كورسەتىلگەن ماقساتى بويىنشا پايدالانۋى ءتيىس. ەگەر جەر كوپقاباتتى تۇرعىن ءۇي سالۋعا دەپ الىنعان بولسا، ول جەردە تۇرعىن ءۇي كەشەنى سالىنۋى شارت. ونىڭ ۇستىنە ول زاڭمەن بەكىتىلگەن مەرزىمدە سالىنۋى قاجەت. ەگەر قۇرىلىس جۇرگىزۋ ءۇشىن ساتىپ الىنعان جەرلەر ءوز ماقساتىنا ساي ءۇش جىل پايدالانباي كەلگەن بولسا، ول مەملەكەتكە كۇشتەپ قايتارىلۋعا جاتادى. اۋىل شارۋاشىلىعىن جۇرگىزۋگە ارنالعان جەر ۋچاسكەلەرى ماقساتسىز پايدالانۋى تۋرالى فاكتى انىقتالعان بەس جىل ارالىقتا ەكى جىل قولدانىلماي كەلگەن بولسا، ول كەزدە دە كۇشتەپ الىنۋى ءتيىس»، - دەيدى ول.
ونىڭ سوزىنە قاراعاندا، جەر كودەكسىنىڭ 33-بابى بويىنشا، جەر پايدالانۋشىلاردىڭ جەر ۋچاسكەسىنىڭ نىسانالى ماقساتىنا ساي ەمەس نەمەسە بەلگىلى ءبىر تالاپتاردى بۇزا وتىرىپ پايدالانۋىنا، پايدالانۋ كەزىندە جەردىڭ قۇنارلىعىن كەتىرەتىن جانە ەكولوگيالىق احۋالعا كەرى اسەرىن بەرەتىن ءىس- ارەكەتتەرگە بارۋعا تىيىم سالىنعان. ول كەزدە دە سوتتىڭ شەشىمىمەن جەر ۋچاسكەلەرى تارتىپ الىنۋى مۇمكىن.
سۋديانىڭ ايتۋىنشا، ەگەر جەر ۋچاسكەسى ماقساتسىز پايدالانۋى انىقتالاتىن بولسا، ەكى اي مەرزىم ىشىندە جەر پايدالانۋشى جەرگىلىكتى ورگاندارعا حابارلاسىپ، ونىڭ ماقساتىن وزگەرتۋىنە مۇمكىندىك بار. باسقا جاعدايلاردا جەر ۋچاسكەلەرىن كۇشتەپ تارتىپ الۋ شەشىمى شىعارىلۋى بەك مۇمكىن. جەردى يەلىگىنەن الۋ پروتسەسى مىندەتتى تۇردە تەك سوت ارقىلى شەشىلەدى.
الىمبايەۆانىڭ سوزىنشە، وسىنداي ارىزدىڭ سوتقا جەتپەي تۇرىپ، زاڭناما جەر پايدالانۋشىلارىنا جەر ۋچاسكەلەرىن ماقساتقا ساي پايدالانۋىنا مۇمكىندىك بەرەدى. قۇزىرلى ورگانداردىڭ ۇيعارىمى شىققان تۇستان باستاپ، جەردى ماقساتىنا ساي پايدالانۋعا 1 جىلدىق مەرزىم بەرىلەدى. دەمەك، ەگەر جەر پايدالانۋشى وسى ارالىقتا جەردى ماقساتتى پايدالانۋدى باستاماسا، نەمەسە زاڭبۇزۋشىلىقتاردى جويماسا، شاعىم سوت ارقىلى قارالاتىن بولادى.
اۆتور: جاسۇلان جولدىبايەۆ
