ا ق ش يرانعا قارسى جاڭا سانكسيا ەنگىزدى
تەگەران ۆاشينگتون ەنگىزگەن سانكسيالارعا جاۋاپ بەرۋگە ۋادە ەتىپ وتىر دەپ حابارلادى باتىس اقپارات قۇرالدارى يران رەسميلەرىنە سىلتەمە جاساپ.
بۇدان ەكى كۇن بۇرىن ا ق ش يراننىڭ جاساعان بالليستيكالىق زىمىران سىناعىنا جانە ساۋد ارابياسى كەمەسىنە شابۋىلداعان يەمەندەگى حۋسيت كوتەرىلىسشىلەرىن قولداۋىنا قارسىلىعىن رەسمي تۇردە ەسكەرتكەن.
بۇعان دەيىن يران ەركىن كۇرەستەن الەمدىك جارىسقا قاتىسۋعا بارعان امەريكالىق سپورتشىلاردى ەلگە كىرگىزبەي قويعان. يران سىرتقى ىستەر مينيسترلىگى مۇنى وزگە ەلدەرمەن بىرگە يران ازاماتتارىنىڭ دا قۇراما شتاتتارعا كىرۋىنە تىيىم سالعان اق ءۇيدىڭ شەشىمىنە جاۋاپ دەپ مالىمدەگەن.
ا ق ش پرەزيدەنتى دونالد ترامپتىڭ قاڭتاردىڭ 27- كۇنى شىعارعان جارلىعىنا سايكەس، يراك، يران، يەمەن، ليۆيا، سيريا، سومالي جانە سۋدان ازاماتتارىنىڭ قۇراما شتاتتارعا كىرۋىنە 90 كۇنگە دەيىن، بوسقىنداردىڭ كىرۋىنە 120 كۇنگە دەيىن، سيريالىق بوسقىنداردىڭ كىرۋىنە مۇلدەم تىيىم سالىنعان.
