نۇرسۇلتان نازاربايەۆ وبلىس اكىمدەرىنە توقتاپ تۇرعان كاسىپورىنداردى ىسكە قوسۋدى تاپسىردى

استانا. قازاقپارات - بۇگىن ۇكىمەتتىڭ كەڭەيتىلگەن ماجىلىسىندە قازاقستان پرەزيدەنتى نۇرسۇلتان نازاربايەۆ وبلىس اكىمدەرىنە توقتاپ تۇرعان كاسىپورىنداردى ىسكە قوسۋدى تاپسىردى،

 دەپ حابارلايدى قازاقپارات.

مەملەكەت باسشىسى بۇعان دەيىن ەلىمىزدە ىسكە قوسىلعان جالپى سوماسى 150 ميلليارد تەڭگەنى قۇرايتىن 72 جوبانىڭ تولىق جۇكتەمەدە جۇمىس ىستەمەي تۇرعاندىعىن سىنادى.

 «دەمەك، جەڭىس (ينۆەستيتسيالار جانە دامۋ ءمينيسترى قاسىمبەك) ءبىرىنشى پاكەتتە يسەكەشيەۆتى (بۇرىنعى ينۆەستيتسيالار جانە دامۋ ءمينيسترى، قازىر استانا قالاسىنىڭ اكىمى) ايتۋىڭا بولادى، «بۇرىنعىعا جابا سال» دەپ اتالادى. لاۋازىمعا كەلگەندە ءۇش پاكەت جاساۋ كەرەك. ءبىرىنشى پاكەت ءوزىنىڭ الدىڭدا بولعان ادامعا جابۋ. ەكىنشى پاكەت ءوزىڭنىڭ جاستىعىڭ. ءۇشىنشى رەت كەلەسىگە ءۇش پاكەت ازىرلەۋ قاجەت. ءبىرىنشى پاكەت يسەكەشيەۆكە. 72 سەنىڭ (يسەكەشيەۆ) كاسىپورنىڭ، سەن قازىر قالا اكىمىسىڭ. 72 كاسىپورىننىڭ قۇنى 150 ميلليارد تەڭگە. بىزدە ءاربىر كاسىپورىنمەن جەكە- جەكە جۇمىس جۇرگىزىلە مە؟ ارقايسىمەن، وبلىستاردا. نەعىپ تۇر ولار؟ قىرىمبەك، اقتوبەدە سالىناتىن اينەك زاۋىتىن سەن سۇراعاننان كەيىن سىردىڭ جانىنداعى ەلدىڭ جاعدايى ناشارلاۋ، جۇمىس ورنى بولسىن دەپ انا جاقتان الىپ ساعان بەردىك. سەندەر قالاي سالىپ جاتىرسىڭدار؟»، - دەپ سۇرادى ەلباسى  قىزىلوردا وبلىسىنىڭ اكىمى كوشەربايەۆتان.

«جاقىندا اسقار ۇزاقباي ۇلى (پرەمەر- ءمينيستردىڭ ورىنباسارى مامين) بولدى. امانشىلىق بولسا، قازاندا قۇرىلىسى بىتىرەمىز دەپ جوسپارلاۋدامىز»، - دەدى وبلىس اكىمى.

كەلەسى كەزەكتە پرەزيدەنت قوستاناي وبلىسىندا قۇنى 3,3 ميلليارد تەڭگەنى قۇرايتىن قۇس ەتىن شىعاراتىن كاسىپورىن دا توقتاپ تۇرعانىن ايتتى.

 «2013 -جىلدان بەرى سوت بولىپ جاتىر. جاقىندا عانا بارلىعى اياقتالدى. قۇرىلتايشىلار 3 جىلداي ءبىر- بىرىمەن سوتتاستى. سول سەبەپتى توقتاپ قالدى. جاقىندا عانا سوت شەشىمى كۇشىنە ەندى. قازاگرومەن شەشىم قابىلداۋدا»، - دەدى بۇل ماسەلەگە قاتىستى ءسوز العان قوستاناي وبلىسىنىڭ اكىمى ارحيمەد مۇحامبەتوۆ.

مەملەكەت باسشىسى قاراعاندى وبلىسىندا قۇنى 1 ميلليارد تەڭگەنى قۇرايتىن بولات رادياتورلار شىعاراتىن زاۋىتتىڭ دا توقتاپ تۇرعانىن اتاپ ءوتتى.

«بۇل ماسەلەنى بىلەمىز. قۇرىلتايشىسى سوتتالعان سوڭ تۇرىپ قالدى. ونى قازىر ارى قاراي جۇرگىزەمىز»، - دەدى ءوڭىر باسشىسى نۇرمۇحامبەت ابدىبەكوۆ.

 «ەكەۋىڭدە قۇرىلتايشى دەپ وتىرسىڭدار. مىنا جەردە جوعارعى سوت تا، باس پروكۋرور دا وتىر. كىم كەرەك، ساعان؟ ولاردى شاقىرىپ الىپ نە شەشىڭدەر، نە كەتىڭدەر دەپ ايتاتىن ادام جوق پا؟ سەندەردى جەرگىلىكتى جەرگە قوجا بولسىن، ەلدىڭ شارۋاسىن شەشسىن دەپ تاعايىندادىم. نە ىستەسە ونى ىستەسىن دەپ كوزدەرىڭدى باقىرايتىپ قاراپ وتىراسىڭدار ما؟ ۇكىمەتكە كەلىڭدەر، ءبارىن شاقىرىپ الىڭدار، جۇمىس ىستەتكىزىڭدەر. ىستەيسىڭدەر، بولماسا، باسقاعا بەرەمىز دەۋ كەرەك»، - دەپ ەسكەرتتى پرەزيدەنت ءوڭىر باسشىلارىنا.

اۆتور: مارلان جيەمباي