جەمقورلىقپەن تۇتقىندالعان شەنەۋنىكتەردى ولاردىڭ اتا- اناسىنان دا قاتتى ۋايىمدايمىن - ەلباسى

استانا. قازاقپارات - جەمقورلىقپەن تۇتقىندالعان شەنەۋنىكتەردى ولاردىڭ اتا- اناسىنان دا قاتتى ۋايىمدايمىن. بۇل تۋرالى بۇگىن ۇكىمەتتىڭ كەڭەيتىلگەن ماجىلىسىندە قازاقستان پرەزيدەنتى نۇرسۇلتان نازاربايەۆ ايتتى،

 دەپ حابارلايدى قازاقپارات.

«بىزدە بارلىق رەفورما قارجىلاندىرۋمەن قامتاماسىز ەتىلگەن. تريلليونداعان تەڭگە بولىنەدى. دەگەنمەن، ەسەپ كوميتەتى وتكەن جىلى انىقتاعان قارجىلىق بۇزۋشىلىقتار 163 ميلليارد تەڭگەنى قۇرادى. 47 لاۋازىمدى تۇلعا اكىمشىلىك جاۋاپكەرشىلىككە، 223- ءى تارتىپتىك جاۋاپكەرشىلىككە تارتىلدى. قۇقىق قورعاۋ ورگاندارىنا كوپتەگەن ماتەريال بەرىلدى. قايرات قوجامجاروۆ جەمقورلىق بويىنشا وتكەن جىلى قانشا ادام جاۋاپكەرشىلىككە تارتىلدى؟»، - دەپ سۇرادى مەملەكەت باسشىسى مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ ءتوراعاسىنان.

«2900 لاۋازىمدى تۇلعا»، - دەپ جاۋاپ بەردى قوجامجاروۆ.

«ادام مەملەكەتتىك قىزمەتكە كەلۋى ءۇشىن بارلىق جەردە بايقاۋ ءجۇرىپ جاتىر. ءبىر ورىنعا بىرنەشە ادام تالاسادى. مەملەكەتتىك قىزمەتتە، مەملەكەتكە جۇمىس ىستەيمىن، مەملەكەتىمدى كوتەرەمىن دەپ كەلەدى. تاربيەلەپ، «بولاشاقپەن» جىبەرىپ، كىشكەنتاي جۇمىسقا قويىپ، قاداعالاپ، وسىرەسىڭ، سودان كەيىن بارادى دا تۇرمەگە تۇسەدى. قانداي وكىنىشتى. مەن بۇل ادامداردى اتا- انالارىنان دا قاتتى ۋايىمدايمىن. 2900 ادام تەرگەۋدە وتىر. سوندا دا توقتامايدى»، - دەپ اتاپ ءوتتى مەملەكەت باسشىسى.

اۆتور: مارلان جيەمباي