گولوۆكين، مەن ساعان بارا جاتىرمىن - يۋبەنك
ءوزىنىڭ جەڭەتىنىنە سەنىمى مول ۇلىبريتانيالىق سپورتشى، وسى جەكپە- جەكتەن كەيىن باسقا چەمپيوندارعا ۇسىنىس تاستايتىنىن مالىمدەدى، سولاردىڭ ىشىندە گولوۆكين دە بار.
«سەنبىدە وتەتىن جەكپە- جەكتەن سوڭ مەن بارلىعىنىڭ ارتىنان بارامىن. ديگەيل، مەن سەنىڭ تىستەرىڭدى قاعىپ الىپ، ءوز كامينىمە قويۋدى جوسپارلاپ وتىرمىن. گولوۆكين - كەيبىرەۋلەر ءۇشىن الەمنىڭ ەڭ مىقتى بوكسشىسى شىعار. ءبىراق مەن ونىڭ قورعانىسىندا ساڭىلاۋ بارىن بىلەمىن. مەن وسى ادام ءۇشىن ءبىر جوسپار دايىنداپ قويدىم. گولوۆكين، مەن ساعان بارا جاتىرمىن» ، - دەپ كەلتىردى boxingscene.com باسىلىمى يۋبەنكتىڭ ءسوزىن.
يۋبەنك وتكەن جىلى گولوۆكينمەن جۇدىرىقتاسۋى ءتيىس ەدى، كوماندالار كەلىسىمشارت جاساۋعا كىرىسكەن. الايدا يۋبەنكتىڭ اكەسى كوپ اقشا تالاپ ەتىپ، كەزدەسۋ ىسكە اسپادى. ۇلىبريتانيالىق بوكسشى التى ميلليون دوللاردان باس تارتقان. كەيىنىرەك يۋبەنك گولوۆكينمەن جۇدىرىقتاسۋ مۇمكىندىگىنەن ايىرىلىپ قالعانىنا اشۋلانعانىن ايتتى. سوعان قاراماستان ول بيىل گولوۆكينمەن شارشى الاڭعا شىعاتىنىنا سەنىمدى.
ەسكە سالايىق، گولوۆكين 18 ناۋرىزدا نيۋ- يوركتە Madison Square Garden ارەناسىندا امەريكالىق بوكسشى دەنيەل دجەيكوبسپەن (32-1-0, 29 كو) قولعاپ تۇيىستىرەدى.
Baq.kz
