رەسەيلىك تانىمال ءانشىنىڭ كولىگى قازاقستاندا ايىپپۇل تۇراعىنىڭ «جۇلدىزى» اتاندى
كولىكتىڭ وندا توت باسىپ تۇرعانىنا ون جىلدان اسىپتى. باستاپقى كەزدە سپورتتىق Audi TT Coupe كولىگى ايىپپۇل تۇراعىنىڭ «جۇلدىزى» بولىپتى. ءتىپتى ونى ساتىپ الۋعا نيەتتىلەر دە كوبەيگەن، - دەپ جازدى ەۋرازيا ارناسى.
بۇل كولىكتى 2005 -جىلى ءانشىنىڭ اۋلاسىنان بەلگىسىز ادام ۇرلاپ الىپ كەتكەن. ماشيناسىن تاپپاعان تيماتي پوليتسياعا دا شاعىم تۇسىرگەن. تەك ءبىر جىل وتكەننەن كەيىن عانا كولىك پەتروپاۆل قالاسىنان شىققان.
تيمۋر يۋنۋسوۆ ياعني تيماتي كولىگىنىڭ قازاقستاننان تابىلعانىن بىلگەن. ءبىراق، سودان بەرى الىپ كەتۋگە اسىعاتىن ەمەس. كوزدىڭ جاۋىن الاتىن كولىكتى قولدى ەتكەندەردى پوليتسيا ۇستاي الماعان. انشىگە ءالى كۇنگە بۇل كولىكتىڭ قوجايىنى بولىپ سانالعاندىقتان ونى ايىپ تۇراعىنان تەك رەپەردىڭ ءوزى عانا الا الادى.
زاڭ بويىنشا ۇرلانعان كولىك ايىپ تۇراعىندا تەگىن تۇرادى. ال ماشينانىڭ يەسى انىقتالىپ، وعان حابار جەتكەن جاعدايدا تۇراققا تولەۋ كەرەك بولادى. قازىر ءانشى 2009 -جىلدان بەرگى ۋاقىتتى ەسەپتەگەندە تۇراققا 500000 تەڭگە قارىز.
