جاپونيادا وتەتىن ازيا ويىندارىنا گالىشەۆانىڭ ورنىنا اياۋلىم بارادى

استانا. قازاقپارات - گالىشەۆا جاپونيادا وتەتىن ازيا ويىندارىنا قاتىسپايدى.

بۇل تۋرالى فريستايلدان قازاقستان قۇراماسىنىڭ باپكەرى ەلەنا كرۋگلىحينا ايتتى، دەپ جازادى kaz.vesti.kz.

موگۋل سايىسىندا الماتىدا ءوتىپ جاتقان 28- قىسقى ۋنيۆەرسيادانىڭ جەڭىمپازى (التىن مەدال) يۋليا گالىشەۆا جاپونيانىڭ ساپپورو قالاسىندا وتەتىن قىسقى ازيا ويىندارىنا قاتىسپايتىن بولدى. بۇل تۋرالى فريستايلدان قازاقستان قۇراماسىنىڭ باس باپكەرى ەلەنا كرۋگلىحينا ايتتى.

«ۋنيۆەرسياداعا قاتىسقان بارلىق شاكىرتتەرىمە كوڭىلىم تولادى. تراسسا وتە قيىن بولدى. ءبىراق بۇل يۋليا ءۇشىن كەدەرگى بولعان جوق. بيىل ءبىز ءۇشىن وليمپيادا ويىندارىنىڭ ليتسەنزياسىن جينايتىن جىل. باستى ماقساتىمىز - الەم چەمپيوناتىندا جاقسى ونەر كورسەتۋ. سوندىقتان دا يۋليا گالىشەۆانى ازيا ويىندارىنا جىبەرمەيمىز دەپ شەشتىك. ەسەسىنە، ونىڭ ورنىنا اياۋلىم ارمەنوۆا بارادى. بۇل وتە تالانتتى قىز. جۋىردا عانا ەۋروپا كۋبوگىندە ەكى رەت جەڭىسكە جەتتى. ال ەرلەرلەردەن قازاقستان نامىسىن دميتري رەيحەرد پەن دميتري بارناشوۆ قورعايتىن بولادى»، - دەيدى باپكەر.

ايتا كەتەيىك، 2017 -جىلعى قىسقى ازيا ويىندارى جاپونيانىڭ ساپپورو قالاسىندا 19 جانە 26 -اقپان ارالىعىندا وتەدى.