الەمنىڭ حاس سۇلۋلارى ەكسپو كەزىندە استاناعا كەلمەك
«الەم ارۋى» بايقاۋىندا مەن ءبىزدىڭ مەملەكەت پەن حالىق تۋرالى مەيلىنشە كوپ ايتۋعا تىرىستىم. اسىرەسە جۇرتتى استانادا وتكەلى وتىرعان ەكسپو-2017 كورمەسى زور قىزىعۋشىلىق تانىتتى. ايتپاقشى، بايقاۋدىڭ 20 دان استام قاتىسۋشىسى ەكسپو-2017 كەزىندە استاناعا كەلۋگە نيەت ءبىلدىردى. ولاردىڭ قاتارىندا «الەم ارۋى» بايقاۋىندا ا ق ش، قىتاي، فيليپپين، يندونەزيا، گوندۋراس، مالايزيا، سينگاپۋر، رەسەي، كيۋراساو، اۆستريا جانە باسقا ەلدەردەن كەلگەن قىزدار بار. ال «الەم ارۋى» بايقاۋىنىڭ پرەزيدەنتى پاولا شۋگارت مۇمكىن سول توپتى استاناعا ءوزى باستاپ باراتىنىن ايتتى»، - دەيدى بايقاۋدا قازاقستان نامىسىن قورعاعان دارينا قۇلسەيىتوۆا ءوزىنىڭ ينستاگرامم پاراقشاسىندا.
ونىڭ ويىنشا، ءتۇرلى ەلدەردەن كەلگەن حاس سۇلۋلار استاناعا قوسىمشا تۋريستەردى تارتادى. سونىمەن قاتار ول بايقاۋ بارىسىندا بولعان كوپتەگەن كەزدەسۋلەرگە دە توقتالدى. قۇلسەيىتوۆانىڭ اتاپ وتكەنىندەي، فيليپپين پرەزيدەنتى جانە مانيلاداعى يزرايل ەلشىلىگى وتكىزگەن ارنايى قابىلداۋ كەزىندە فيليپپيننىڭ مادەني جانە ىسكەر توپ وكىلدەرى قازاقستانعا ەرەكشە قىزىعۋشىلىق تانىتقان.
«مەن جاقىندا عانا 19 جاسقا تولدىم. ومىرلىك تاجىريبەمنىڭ ازدىعى، باعدارلامانىڭ تىعىزدىعى، ەڭ باستىسى، ۋاقىتتىڭ ازدىعى كوپ اسەر ەتتى. مەن تۇرمىسقا شىعىپ كەتكەن «الماتى ارۋىنىڭ» ورنىنا وسى جارىسقا باراتىن بولدىم، سوندىقتان، الەمدىك دەڭگەيدەگى جارىسقا ءبىر اي عانا دايىندالدىم. ايتا كەتەيىن، الەمنىڭ باسقا ەلدەرىنەن كەلگەن قىزدار بۇل جارىسقا ءبىر جىل بويى دايىندالعان. ءبىر اي مەن ءبىر جىلدىڭ كوپ ايىرماشىلىعى بار. كيەتىن كيىمىمدى تاڭداعاندا دا، ءتىل ءبىلۋىم، ءجۇرىپ- تۇرۋىمنىڭ بارلىعىن دايىنداۋ ءۇشىن ءبىر اي وتە از ۋاقىت ەدى. الايدا، بۇل جۇمىستاردى ابىرويمەن ورىنداپ شىقتىم دەپ ويلايمىن»، - دەيدى دارينا.
ەسكە سالا كەتەيىك، دارينا «الەم ارۋى» بايقاۋىندا ۇزدىك وندىققا ىلىگە المادى. ال بايقاۋدىڭ جەڭىمپازى بولىپ، 23 جاسار فرانسۋز قىزى يريس ميتتەنەر اتاندى.
اۆتور: جاسۇلان جولدىبايەۆ
