اتاقتى سپورتشى راسۋل ميرزايەۆقا شابۋىل جاساۋعا كىمنىڭ تاپسىرىس بەرگەنى بەلگىلى بولدى
ماسكەۋلىك تەرگەۋشىلەر قىلمىسقا قاتىسى بار ادامداردى انىقتاپتى. الايدا ولار ءالى دە ۇستالماعان. ولار قىزدىڭ اعالارى بولىپ شىققان. شابۋىل جاسالعان كۇنى قاسكويلەرگە ەسىكتى اشىپ بەرگەن قىز تاپسىرىس بەرۋشىنىڭ قۇربىسى ەكەن. ول دا انىقتالعان.
سونىمەن قاتار، باسىلىم وقيعانىڭ ءمان-جايىن جاريالادى. سويتسەك، ۇرىپ-سوعۋ كەزىندە راسۋل ميرزايەۆتىڭ باسىنا قاسكويلەردىڭ ءبىرى "سايگا" كارابينىن كەزەپ، قارىنداسىنان كەشىرىم سۇراۋىن تالاپ ەتىپتى. الايدا سپورتشى قارسىلىق كورسەتكەن سوڭ، شابۋىلداعاندار قاشىپ كەتكەن. توبەلەس كەزىندە تراۆمات قارۋىنان راسۋلعا وق اتىلعان. سالدارىنان سپورتشى اۋىر جاراقات العان.
ال وسىعان دەيىن شابۋىل جاساعانداردىڭ سۋرەتى جاريالانعان بولاتىن. كۇدىكتىنىڭ سۋرەتىن كورگەن سپورتشى ونىڭ شابۋىل جاساعانىن ناقتىلاپ بەرگەن.
كۇدىكتى كاميل اللاحۆەرديەۆ
ەسكە سالايىق، راسۋل ميرزايەۆقا شابۋىل 31 -جەلتوقساندا ماسكەۋدەگى ۆوستوچنىي كوشەسىندە جاسالعان. تۇرعىن ءۇيدىڭ ماڭىندا بەلگىسىزدەر ميرزايەۆتىڭ بەتىنە پنەۆمات تاپانشاسىنان وق اتىپ، تاياقپەن ۇرىپ-سوققان. ول اۋرۋحاناعا جەتكىزىلگەن. كەيىن وقيعانىڭ ءمان-جايى انىقتالعان بولاتىن.
