قىتاي قۇراماسىنداعى جالعىز قانداسىمىز ۋنيۆەرسيادادا ونەر كورسەتتى

استانا. قازاقپارات - قىتايداعى قانداسىمىز ءداستۇر تۇرسىنحان ۇلى قىتاي قۇراماسى ساپىندا الماتىداعى ۋنيۆەرسيادا ويىندارىندا ونەر كورسەتتى.

ەرلەر اراسىندا كونكيمەن جۇگىرۋ سپورتىنان 5000 مەترلىك سىندا قانداسىمىز 17 - ورىننان كورىندى. ال بۇل سىندا يتالياندىق سپورتشى داۆيدە دجوتتو باس جۇلدەنى جەڭىپ العان.

ءداستۇر 2 - اقپان ەرلەر اراسىندا - 1500 مەترلىك، 4 - اقپاندا -  10000 مەترلىك جانە 5 - اقپان كۇنى توپتىق قۋالاۋعا قاتىساتىن بولادى.

prosports.kz تىلشىسىنە بەرگەن سۇحباتىندا سپورتشى ءوزىنىڭ قىتاي قۇراماسى ساپىنا قالاي كەلگەنى تۋرالى ايتىپ بەردى.

«قىتاي بىرىنشىلىكتەرىندە 1 جانە 2- ورىندار الىپ ءجۇرمىن. حالىقارالىق ءىرى جارىستارعا ءالى قاتىسا قويعان جوقپىن. دەگەنمەن، ءبىر جىلدان كەيىن قىتايدىڭ ۇلتتىق قۇراماسىنا كىرۋگە مۇمكىندىك بولادى. وسى سپورتپەن اينالىساتىن باسقا دا قازاق جىگىتتەرى بار. قىتاي قۇراماسى قاتارىنا مەن عانا الىندىم»، - دەدى ءداستۇر.

«قازاقستانعا ءبىرىنشى رەت كەلۋىم. وسى ەلدە التىن السام، ارمانىم جوق ، - دەپ اعىنان جارىلدى قانداسىمىز.

اۆتور: مۇحتار قاليموللا ۇلى