الەۋمەتتىك جەلىدە سىبايلاس جەمقورلىقپەن كۇرەس ماسەلەسى كۇشەيەدى
«ەلباسى جولداۋىندا سىبايلاس جەمقورلىقتىڭ سەبەبىن انىقتاپ، ونى جويۋدى، سىبايلاس جەمقورلىقتىڭ الدىن الۋ جۇمىستارىن كۇشەيتۋدى تاپسىردى. بۇل جەردە نەگىزگى ماسەلە - مەملەكەتتىك ساتىپ الۋ جۇيەسىن جەتىلدىرۋ كەرەك. سوندىقتان، قارجى مينيسترلىگىنە ورتالىقتاندىرىلعان قىزمەت پرينتسيپىنە سۇيەنە وتىرىپ، ءبىرىڭعاي مەملەكەتتىك ساتىپ الۋ جۇيەسىن ەنگىزۋدى تاپسىرامىن»، - دەدى ساعىنتايەۆ.
ۇكىمەت باسشىسى سونداي-اق، كۆازيمەملەكەتتىك سەكتورداعى مەملەكەتتىك ساتىپ الۋ جۇيەسىنىڭ ەرەجەلەرىن قايتا قاراۋدى ۇسىندى. ال، اقپارات جانە كوممۋنيكاتسيالار مينيسترلىگىنە الەۋمەتتىك جەلىدە سىبايلاس جەمقورلىقپەن كۇرەس ماسەلەسىن كۇشەيتۋدى تاپسىردى. «داۋرەن اسكەربەك ۇلى (اقپارات جانە كوممۋنيكاتسيالار ءمينيسترى داۋرەن ابايەۆ) سىزگە سىبايلاس جەمقورلىقتىڭ الدىن الۋ جانە سىبايلاس جەمقورلىقپەن كۇرەس ماسەلەسىن ينتەرنەتتە جانە الەۋمەتتىك جەلىدە تاراتۋ ءىسىن قولعا الۋ كەرەك»، - دەدى پرەمەر- مينيستر.
ايتا كەتەيىك، ۇكىمەتتىڭ بۇگىنگى وتىرىسى مەملەكەت باسشىسى نۇرسۇلتان نازاربايەۆتىڭ قازاقستان حالقىنا ارناعان كەزەكتى جولداۋىنا قاتىستى بولدى.
